Video/ Kapen 3.5 tonë drogë, 37 të arrestuar në Itali e Shqipëri, Anti-Mafia e Barit skuadër të përbashkët me SPAK

Anti-Mafia italiane dhe SPAK në Shqipëri arritën të kapin 3.5 tonë drogë me vlerë 40 milionë euro dhe të arrestojnë 37 persona, 10 prej të cilëve në Shqipëri, raportojnë mediat italiane, pjesë e një grupi kriminal i cili është përfshirë në trafikun ndërkombëtar të drogës dhe vepron prej vitit 2015.

Ky grup kriminal dyshohet se drejtohej nga Robert Muftari dhe Elton Hamza.

Në operacion u përfshi DIA e Barit dhe Autoritetet Shqiptare, me ndihmën Zyrës Ndërlidhëse të Interforcës së Tiranës dhe Policisë Shqiptare, si dhe me bashkëpunimin – në Itali – të Karabinierëve, Policisë së Shtetit, Guardia di Finanza dhe DIA të Foggia, Lecce, Bolonja, Roma, Napoli dhe Catanzaro, me urdhër të DDA të Barit dhe Prokurorisë Speciale Anti-korrupsion dhe Krimit të Organizuar të Tiranës – me Koordinimin e Eurojust (Hagë), drejtuar nga anëtari kombëtar italian u kryen 37 arrestime të personave që besohet të jenë përgjegjës për trafik ndërkombëtar në sasi të mëdha droge.

Operacioni policor gjeti shtrirje në Foggia, Lecce, Bologna, Roma, Napoli e Catanzaro ndërsa në operacionet në Tiranë dhe Vlorë kanë marrë pjesë qindrë forca policie, FNSH, Forcat e Posaçme Operacionale, Drejtoria Hetimore si dhe Policitë e Tiranës dhe Vlorës.