“Visit Trepça”, vizitorët në gjurmim të pasurive të Mitrovicës

Organizata “7Arte” ka shënuar realizimin e turit të parë të hapur për vizitorët në kompleksin industrial të Trepçës dhe hapësirat tjera që trajtojnë historinë e bujshme të xehetarëve të këtij rajoni.

Ky tur historik dhe kulturor u ofroi një aventurë të rrallë për të zbuluar pasurinë e vjetër industriale dhe trashëgiminë e kësaj zone të Kosovës.

“Me qëllimin për të promovuar trashëgiminë industriale dhe kulturore të Trepçës, turin e parë e shoqëruan historian, inxhinierë dhe ciceronë me përvojë, të cilët çuan vizitorët në një udhëtim mjaft të ngjeshur, duke filluar me historinë e qytetit, të minierave, fabrikave dhe kompleksit industrial, për të vazhduar më pas me njohjen e objekteve të kultit dhe atyre që kanë shërbyer për nevoja të akomodimit”, njofton “7 Arte”.

Ndërkaq drejtori i kësaj organizate, Lulzim Hoti tha se kjo nismë premton  ndërthurje në mes historisë, kulturës, dhe zhvillimit ekonomik. Së shpejti do të lansohet edhe “Purple Tour” me destinacion minierat e Artanës/Novoberdës.