Vllaznia, drejt rënies nga Superiorja

Kanë përfunduar ndeshjet e javës së 34 -të, së kampionatit të Superligës dhe gjithë vemendja u përqëndrua te ndeshja që u zhvillua në stadiumin “ Selman Stërmasi”, të kryeqytetit, Partizani – Vllaznia, e cila u mbyll me fitoren e skuadrës së kuqe me rezultatin e pastër 2-0.

Me këte humbje skuadra shkodrane e drejtuar nga Ernest Gjoka, është shumë pranë kalimit në një kategori më poshtë. Diferenca prej pesë pikëve me rivalen me të afërme (Teuta e Durrësit), e bën të pamundur që skuadra e e drejtuar nga trajneri Ernest Gjoka të shpresojë të mrekullia.

Në dy ndeshjet e mbetura, skuadra kuqeblu do të ndeshet me dy skuadrat që janë të pozicionuara në dy vendet e para. Për skuadrën e Partizanit shënuan Asani dhe Progni.

Me këtë fitore skuadra e Partizanit shpreson të jetë në mesin e skuadrave që synojnë një vend në Europa League.
Teuta me fitoren e arritur në Korcë , ndaj Skënderbeut 3-2,I ka thënë lamtumirë rrezikut të rënies nga kategoria.
Kalendari i dy ndeshjeve të ardhëshme i favorizon dukshëm djemtë e detit.

Për skuadrën durrsake kanë shënuar Shkalla, Cyrbja dhe Latifi. Barazim suprizë e Luftëtarit në Kukës, pasi vëndasit udhëheqnin me rezultatin 2-0.

Me dy golat e shënuara në pjesën e dytë me anë të Lamces dhe Silvestro Ferriera, i kanë dhënë bluzinjëve një pikë shumë të vlefshme për të synuar Europa League.

Laci dhe Kamza bënë detyrën e tyre duke mposhtur respektivisht, Lushnjen dhe Flamurtarin. Për kamzalinjë fitorja ndaj vlonjatëve është më shumë se tri pikë, pasi përfundimisht largohen nga zona e ftohtë e rendtitjes.