Vuçiç në Ankara: Turqinë e kemi aleat dhe mik. Takova edhe Edi Ramën…

Presidenti i Serbisë, Aleksandar Vuçiç me rastin e pranisë së tij në Ankara, në inaugurimin e presidentit të Turqisë, Rexhep Taip Erdogan, tha sot se është shumë e rëndësishme që partnerin aq të fortë rajonal e kanë si aleat, dhe jo si kundërshtar dhe armik.

Vuçiç rikujtoi se ky është takimi i katërt me presidentin turk brenda një periudhe shumë të shkurt dhe se është prezent në këtë inaugurim në emër të Serbisë për të nderuar me rrespekt shtetin, popullin dhe presidentin turk.

Presidenti Erdogan, tha Vuçiç, kishte përgatitur një takim shumë të përzemërt për delegacionin e Serbisë, ku ishte shprehur se kanë shumë punë për të bërë në të ardhmen, dhe shumë çështje për të zgjidhur si ekonomike ashtu edhe politike. I bindur se bashkëpunimi i dy vendeve do të ecë përpara, ai tha se presidenti turk së shpejti do të vizitoj Serbinë, që siç e vlerësoi Vuçiç , është një vizitë shumë e rëndësishme për të ardhmen e shtetit serb.

Gjatë qëndrimit në Ankara, Presidenti i Serbisë, Aleksandar Vuçiç tha se ka realizuar disa takime dypalëshe, si me kryeministrin e Shqipërisë, Edi Rama, presidentin e Bullgarisë, Rumen Radev,  atë të Maqedonisë, Gjorgje Ivanov, kryeministrin e Hungarisë, Viktor Orban,  anëtarëin e kryesisë së BeH, Bakir Izetbegoviç dhe shumë të tjerë.