Vulë, ta hongsha zemrën!
nga Agim Popoci
Ndonëse hapjen solemne të fushatës zgjedhore të Partisë Socialiste e bëri mbrëmë në Tiranë, Kryeministri Edi Rama e nisi ditën e sotme realtivisht i dehur sa nga ky aheng po aq dhe deliri i shpërfilljes që i bëri të gjithë të përzgjedhurve për kryetarë bashkie, ndërsa publikoi 30 foto të kësaj maskarade me moton “Kurrë më mbrapa, vetëm përpara”!
Kjo dehje mund të ketë ndikuar në atë që pasqyrojnë këto foto, por meqë nxjerrin zbuluar të gjitha problemet që përfliten për bandën e Edi Ramës, sot askush nuk mund të flas për qëllimet e errëta dhe të qëllimshme të perfeksionistit të manipulimit të opinonit publik, sepse ai, thjeshtë, dështoi!
Pse iku Fuga nga Kryeministria, pse e mori Lali Eri, cilat klane u distancuan nga Edi Rama, pse Erion Veliaj ishte futur mbrëmë në një skutë të Bashkisë Tiranë, dhe pse këtij ustai të mbledhjes së 1 milion pemëve nuk iu dha mundësia as e mbjelljes së 1 nga 61 pemët sa u mbollën në këtë hapje fushate zgjedhore, nuk janë më pikëpyetje por përgjigje që vijnë nga interpretimet e imazhit që sot serviri vetë Kryetari i Partisë Socialiste nga hapja e fushatës zgjedhore!
Në fund, shqiptarët morën dhe përgjigje në enigmën që sajoi Kryeministri me rrjetet sociale, pse Edi Rama përzgjodhi këtë këngë tallava dhe pse ekzaltohej aq shumë ndërsa vijonte teksti i këngës “ta hongsha zemrën”!
Patronazhistët lançuan fabulën e përzënies së kokës së të këqijave të komunikimit kryeministror, Endri Fuga, nga dora vetë Edi Rama, por ky lejlek komunist thjeshtë u kthye në folenë e tij, aty ku vite më parë ka lënë vezët dhe tani ose do ti hap ose do ti thyej pranë Lali Erit!
Pse Belinda Balluku nuk u përzgjodh kandidate për Kryetar të Bashkisë Tiranë për zgjedhjet e 14 Majit, nuk është më pyetje, por pse Lali Eri po shkon në paketë me Fugën në këtë garë elektorale, ky sot mund të jetë shqetësim vetëm për Erion Velinë!
Fuqinë që ka Kryetari i Bashkisë Tiranë pas dy mandateve me ndërtues nëpër këmbë dhe Qendra Tregtare, më mirë se Edi Rama nuk e dinë njeri, kjo është dhe arsyeja pse zhvillimet me inceneratorin e Tiranës ai i ka lënë në rënie të lirë! Ndërsa, cepi i mbrëmshëm për Lali Erin ishte një paralajmërim për të gjithë ata që ishin bindur se mund të vendosin fituesin e garës zgjedhore më 14 Maj.
Rrotë si Lali Eri i vitit 2023, Edi Rama ishte në garën për mandatin e dytë kur e gënjeu mendja se mund ta fitoj Tiranën me vota sade, meqë ishte i bindur se puna që kishte bërë në kryeqytet do ti sillte fitoren. Orët e fundit të procesit zgjedhor jo vetëm alarmuan Edi Ramën dhe shtabin e tij zgjedhor, por ishin decidive për ndryshimin e strategjisë, minimit të procesit zgjedhor dhe vjedhjes së paskrupullt nga e cila u turpëruan dhe gjyqtarët që i dhanë të drejtë Spartak Ngjelës se fitoren i kishin vjedhur!
Gara për mandatin e tretë ishte ndryshe për Edi Ramën, pa të papritura, mobilizim dhe manipulim në çdo aspekt, dhe një fitore e sigurtë përballë njërit prej njerëzve më të fuqishëm të partisë në pushtet, PD, Sokol Olldashit.
Kjo është dhe aryseja pse sot është në këtë lloj kryqëzimi Lali Eri, që mbjellë 1 milion pemë në Tiranë dhe ndonëse shef i bashkisë, para saj Edi Rama nuk i lejon të mbjellë në hapjen e fushatës së tij zgjedhore, as edhe një pemë të lodhur; Dhe, i takon vetëm kadidatit të Koalicionit “Bashkë Fitojmë”, Belind Këlliçi, që të vendos semaforët!
Jo për të parë se nga mund të lëviz Erion Veliaj, por nga nuk lëviz dot Lali Eri!
Ndërkohë legjenda se fitues është ai nga shkojnë ndërtuesit u shemb nga vetë ndërtuesit, të cilët konfirmuan se Bashkim Ulaj ose Shefqet Kastrat mund të bëhesh edhe kur PD nuk është në pushtet, vetëm Lulzim Bashë mos u bë në asnjë mënyrë!
Leksion ky që i ka shërbyer Edi Ramës në vitin 2015 dhe detyrimisht duhet ta ketë parasysh, dhe pse jo ta përvetësoj edhe Belind Këlliçi!
Në fund, ky doktor manipulimi që i bëri trutë dhallë këtij populli të mjerë, të cilin e varfëroi në ekstrem me qeverisjen e tij kriminale, edhe këngën e kishte me mesazh domethënës!
“Ta hongsha zemrën” ishte tofjalëshi që ekzaltonte dje Edi Ramën pa masë, dhe mund ta ekzaltoj edhe në ditën e gjykimin, 14 Maj!
Nuk e kishte me ministren e Financave Delina Ibrahimaj me të cilën u mburrë aq shumë se tejkaloi krizën si dhe mbajti një inflacion të qëndrueshëm! As me ministren e Infrastrukturës dhe Energjisë, Belinda Balluku, me të cilën u mburrë për projektet infrastrukturore dhe menaxhimin e krizës energjetike! As me ministrin e Brendshëm, Bled Çuçi, që e bëri policinë ashtu siç deshi Kryeministri, pa tru! As me biznesmenin arab, Muhammed Alabbar, që po i mundëson realizimin e projektit megakorruptiv Durrës Yacht&Marina!
Mesazhin e drejtëpërdrejt, “Ta hongsha zemrën” e kishte dhe e ka me atë që aq shumë po i shërben, dhe është në duart e bedelëve, vulës!
Shumë tru ka tharë se si ta fitoj garën në qytetet kryesore pas gjithë këtij konsumimi politik si në Durrës, Shkodër, Tiranë, Elbasan, Kukës, Dibër, Fier etj. dhe helmi përçarës që lëshoi ndër demokratë me vite të tëra nuk po i përkonte me rezlutat e sondazheve që Edi Rama i realizon me shumë kujdes periodikisht, ku PS dilte humbëse ose e pasigurt!
Lëvizja e fundit që bëri me kandidimin e njerëzve të vulës në të gjitha bashkitë me pikëpyetje kishte kosto financare dhe jo vetëm për Kryeministrin, por evoluimi i ngjarjeve konfirmoi se kandidatët me të cilët është futur në garë në qytetet e mëdha, Edi Rama mendon të dalë fitues dhe është i gatshëm të mos zgjedhë as mjete!
Deri sa në Tiranë dhe Durrës i gëzohet luhatjes së rezultateve të sondazheve ndonëse nuk e ka të sigurtë fitoren dhe ditët po afrohen, me sytë nga Shkodra nuk po i shkon zëri i këngës “Ta hongsha zemrën” edhe pse kishte një minierë me 7.400 vota së cilës bedelët i hapën portën e galerisë për të shuar diferencën e 6 Marsit me 2000 vota ndërsa Benet Beci dhe Tomë Doshi kanë hapur thesin!
Kjo ishte dhe arsyeja pse Edi Rama veproi shumë shpejtë! Mesazhi nga Vau i Dejës nuk ishte thjeshtë për Kryetarin e një dege të PD që arriti ti bindë ithtarët e vulës për bashkim, por ishte një mesazh për të gjithë ata që menduan se mund ta shkelin premtimin e dhënë Edi Ramës për mosbashkim me demokratët dhe luftimin e Sali Berishës!
Në fund, për konsumin e Edi Ramës fletë dhe sllogani, “kurrë më mbrapa, vetëm përpara”! Këtë këshillë e jep psikologu për njerëzit që i mbijetuan një lufte e cila përfundoi, që në rastin e Partisë Socialiste më 14 Maj, me Edi Ramën në krye, mund të jetë fatale edhe pse ai vazhdon dhe këndon:
Vulë, ta hongsha zemrën!
