Zbulohet një tufë e Pëllumbave të Detit në Adriatik! Shkencëtarët e mahnitur, fermerët e shqetësuar për dëmet
Në Gjirin e Triestes, studiuesit kanë regjistruar një pamje të paparë të një tufë të madhe pëllumbash deti me sqep, që janë dhe në rrezik zhdukjeje, të cilët ishin mbledhur pranë një ferme midhjesh. Edhe pse zbulimi ka shkaktuar entuziazëm në qarqet shkencore, ai ka ngritur gjithashtu shqetësime në lidhje me dëmin që këto kafshë po u shkaktojnë fermerëve.
Pamje të ngjashme me filma dokumentar janë kapur ditët e fundit në fermat e mëdha të midhjeve brenda një rezervati biosfere të UNESCO-s, zonë kjo e njohur për bashkëjetesën midis njeriut dhe natyrës, raporton televizioni kroat N1.
Ekspertët në Zonën e Mbrojtur Detare Miramare, në bashkëpunim me organizatën Shoreline, kanë arritur të kapin tufën më të madhe të ndonjëherë të pëllumbave të detit me sqep, Aetomylaeus bovinus, se si ushqehen.
Në pamje shihen dhjetëra pëllumba deti që dalin në sipërfaqe, duke injoruar studiuesit, ndërsa ushqehen me midhje.
Edhe pse zhytësit dhe fermerët e peshkut i kanë parë herë pas here këto tufa gjatë dy viteve të fundit, grupet që me raste ishin deri në 50 pëllumba deti gjatë ditëve të fundit, midis Grlanit dhe Krizhit, përfaqësojnë një fenomen të pazakontë jo vetëm për Gjirin e Triestes, por edhe gjithë Adriatikun dhe Mesdheun.
