Zjarret vazhdojnë të djegin pyjet e Tropojës: pamje nga Zogaj

Në Bashkinë Tropojë vazhdon të jetë aktive vatra e zjarrit në zonën pyjore të fshatit Zogaj, njesia Bytyç, ku kanë ardhë në ndihmë për fikjen e zjarrit edhe helikopterët e KFOR-it.

Gjatë gjithë natës janë angazhuar forca për izolimin e kësaj vatre zjarri, sidomos në drejtim të banesave të lagjes Hajdarmataj në Zogaj ku dhe u bë e mundur shuarja e plotë.

Aktualisht për lokalizimin dhe fikjen e zjarrit janë angazhuara helikopterët e KFOR, 1 zjarrfikëse dhe 4 efektivë të MZSH Has, 1 zjarrfikëse dhe 3 efektivë të MZSH Gjakovë, 1 zjarrfikëse dhe 3 efektivë të MZSH Tropojë dhe 10 zjarrfikës të bashkisë Kukës, që aktualisht vazhdojnë të jenë në terren.

Ndërkohë mësohet se në Qarkun Shkodër ka disa vatra aktive zjarri, ku në Mal Kolaj për momentin është e izoluar dhe aktualisht rojet e ADZM janë vendosur në drejtim të Rrjollit ku parashikohet dhe riaktivizimi gjatë ditës, për shkak të erës dhe temperaturës, ndërsa në Bashkinë Vau Dejes, vijon të jetë aktive vatra e zjarrit në fshatin Hoten ku në mëngjes kanë punuar 12 efektivë zjarrfikës me pompa shpine.