18 vjet në burg për përdhunim dhe vrasje, lirohet dhe rrëfen të vërtetën e tmerrshme…

Është dënuar gabimisht për përdhunim dhe vrasjen e 15-vjerçares në jugperëndim të Polonisë, në vitin 1997, dhe Tomash Komenda lirohet pas 18 vjet vuajtje dënimi, pasi prindërit e adoleshentes së vrarë inicuan një fushatë për lirimin e tij. Gjykata polake konkludoi se Komenda nuk mund të ishte përgjegjës për këtë krim, i cili shokoi opinionin publik.

“18 vitet e fundit pyes veten se çfarë kam gabuar që jeta ime u shndërrua në ferr,” tha Komenda duke shtuar se e kanë trajtuar si plehër. Tani, thotë ai, po shkon në trajtime psikologjike, shkruan “Mirror”,

Prindërit e vajzës së vrarë deklaruan se kanë dyshuar në fajin e Komendës dhe i kanë kërkuar pushtetit që të rishqyrtoj dënimin. Vendimi për lirinë e tij bazohej në analizën ADN-s e cila u prezantua gjatë gjykimit origjinal në vitin 2004, i cili më vonë u dëshmua se nuk ishte i besueshëm.  Komenda u lirua fal mjeteve më të përparuara teknologjike.

Rigjykimi gjithashtu ka zbuluar gabime në mbledhjen e dëshmive, por edhe në dëshminë e Komendës. Ai tha se e kanë rrahur shumë gjatë marrjes në pyetje, aq shumë sa do ta pranonte edhe “vrasjen e Papës” sikur t’ja kërkonin.

Avokati i tij tashmë ka paralajmëruar se Komenda do të kërkoj dëmshpërblim prej 2 milionë paundësh për dënimin dhe vitet e kaluara në burg.

Ministri i drejtësisë, Zbignjev Ziobro, i cili personalisht udhëroi rigjykimin e rastit, tha se lirimi i Komendës tregon se gabimet e sistemit gjyqësor mund të korigjohen.

“Askush nuk mund t’ja kthej Tomash Komendës vitet e humbura, por liria i kthen ndjenjën e dinjitetit, njeriut të pafajshëm i cili është dënuar gabimisht,” tha Ziobro.