Paralajmërimi, Edi Rama: Breshër i madh mbi kutitë e votimit në 25 Prill!
Kryeministri Edi Rama e nisi fjalën e tij në fushatën përmbyllëse të PS në Tiranë me një përshëndetje për djalin e tij të vogël Zaho, dhe nga fryma familjare kaloi në atë kriminale ku tha se ishte krenarë me patronazhistët, që nuk heqin dorë nga kjo punë fisnike ndonëse kjo “punë fisnike” u dënua sot nga Gjykata për të Drejtat e Njeriut në Strasburg sepse thjesht kemi të bëjmë me keqpërdorim të të dhënave personale.
Për elektoratin gri kishte një mesazh interesant që nuk dihet nëse e ka deshifruar edhe militanti më i flaktë socialistë kur Edi Rama tha se shiu gjithë këto ditë, që bie e bie, për të paralajmëruar breshërin e madh mbi kutitë e votimit në 25 prill.
“Unë nuk i fola Zahos për patronazhistët, por sot këtu dua të filloj me patronazhistët, me gjithë vajzat e djemtë, gjithë gratë e burrat, dhe gjithë ata që megjithëse kanë dalë në pension, nuk heqin dorë nga kjo punë fisnike brenda familjes sonë. Dua t’iu them që unë kam qenë gjithnjë krenar për ju, por mbas asaj që ndodhi dje në Elbasan, unë jam më shumë se kurrë krenar për ju. Ata bënë çmos që t’iu lëndojnë, ata bënë çmos që t’iu cenojnë, ata bënë çmos që t’iu dekurajojnë, ata madje bënë çmos që t’iu poshtërojnë, dhe ka Zot, sepse ata që i bënë të gjitha ato kundër jush, dolën zhveshur, po jo si unë zhveshur, se ashtu nuk dalin dot, se kur mendoj zhveshur ata…, por dolën zhveshur në gjithë përmasën e karakterit të tyre, kur pa asnjë pikë turpi, pasi e gjithë Shqipëria u trondit nga humbja e një jete, morën përsipër t’u thonë shqiptarëve se ‘po, ata e kanë një grup të armatosur, të shpërndarë kudo’. Unë besoj që sot kush ende nuk e ka kuptuar diferencën e madhe mes jush dhe atyre, duhet t’i vërë gishtin kokës fort për fëmijët e tij. Të patronazhosh derë më derë, të trokasësh familje më familje, të pyesësh si shkoni, çfarë problemesh keni, çfarë mendoni ju për qeverisjen, çfarë opinioni keni për PS, çfarë hallesh ju pengojnë për të na mbështetur, do të thotë që çdo njeriu t’i japësh vlerën që ka ai,” tha Edi Rama duke gënjyer dhe fyer mijëra ithëtarë të tij që kanë bërë krimin dhe vetëm kur u publikua ata-basa e kishin të qartë se të dhënat që atyre u ishin dhënë të menaxhojnë thejshtë partia i ka vjedhë shteti.
Dhe, nga krimi socialist që nuk e pranon, Edi Rama vazhdoi me krimin por tani duke e identifikuar tek pala tjetër pasi Drejtuesi politik i PD në Elbasan, Gazment Bardhi e pranoi se ka një strukturë që mbron veten.
“Të turresh rrugëve, për t’i ndaluar njerëzit, sikur je një forcë nga ato forcat paramilitare në vende, ku thika e urrejtjes është futur deri në kockë, dhe pasi ndalon njerëz të lësh pas edhe viktima, do të thotë që për ty njerëzit janë njerëz vetëm kur futen në autokolonën tënde, ndërsa jashtë saj jeta e tyre nuk ka asnjë vlerë. Ky episod kaq tragjik duhet t’i bëjë gjithë shqiptarët të zgjohen dhe të kujtojnë se çfarë i kanë bërë Shqipërisë prej 30 vjetësh po këta, të zgjohen e të kujtojnë se në çfarë humnerash e kanë hedhur këta Shqipërinë, të zgjohen e të kujtohen sa herë ka pasur humbje jetësh, plagë të shkaktuara, që lidhen me ta. Më 25 prill Shqipëria duhet të çlirohet nga demoni, që sa herë shfaqet në jetën tonë, ja tërheq këmbët poshtë Shqipërisë.”
Edhe me këtë rast Edi Rama akuzoi Saliun e Metën, dhe ndonëse përdorte një fjalor të tij ai kishte mesazh për elektoratin gri:
“Shpesh herë e tashme e tija, e zvogëlon peshën që ka vota. Sepse mund të ketë një hall që lidhet me pragun e shtëpisë. Nuk i bën përshtypje asgjë që ndryshon larg atij pragu. Ai prag e bën që të thotë; nuk i votoj këta. Sot ai do një punë më të mirë dhe nuk e ka, ndërkohë që sheh të tjerë që kanë punë më të mira dhe thotë nuk i votoj këta. Apo mund të ketë atë sjelljen e brendshme të shumëkujt që thotë; këta janë të gjithë njësoj. Kjo është vota që njeriu jep kur gjykon mbi të tashmen. Por çdokush që voton, s’voton vetëm për veten, por ka detyrim që të votojë edhe për atë fëmijën që duhet të rritet duke votuar. S’ka kuptim që ajo voto në 25 prill, ka vetëm një drejtim, PS-në. Unë i kuptoj sado që e di që shumëkush prej tyre nuk më besojnë. Dhe po thoja, që po nuk nisi shiu. Kemi një problem. A e dini se pse filloi, që ne dhe e gjithë Shqipëria mos të harroj se ka shiu gjithë këto ditë, që bie e bie, për të paralajmëruar breshërin e madh mbi kutitë e votimit në 25 prill,” tha Kryeministri Rama dhe pse ky breshër mbi kutitë ngelet i paqartë ai vazhdoi:
“Dhe zgjedhje e secilit është që të bëhet pjesë e atij breshëri. Apo të qëndroj në atë karvanin që gjithmonë më shumë duket si i dalë nga filmi ‘Koncert në vitin 36’. Ju kujtohet ai plaku që i jepte gaz për të prishur koncertin, ai është në Lalëz. Iku në Lalëz që kur u xhirua filmi dhe është bërë gogol dixhital, por nuk është veëm ai, se është dhe komshija e tij i Lalz. Ai Është bërë si ato çingijet që vinin rrotull marmitës për të thënë; kthejani kurrizin shpresave dhe ëndrrave, dhe Europës e shijeve të saj dhe ejani në vallen e batakut dhe të batakçillëkut,” tha Kryetari i PS dhe Kryeministri Edi Rama i cili përsëriti togfjalëshin me test karakteri:
“Shqipëria në 25 prill do të përballet me një test karakteri. Shqiptarët do të duhet të vendosin anën në të cilën. Sepse në 25 prill është dita jo për të bashkuar kënaqësitë tona, por për të bashkuar pakënaqësitë tona dhe për t’i thënë vetes dhe njëri-tjetrit që pikërisht ka gjëra të pabëra. Shumëkush thotë se; çe do Edi Rama mandatin e tertë. Në fakt kush nuk do të të besoj, s’ka për të besuar kurrë. Por mandati i tretë nuk është për mua.”
Ndryshe, përmmbyllja e fushatës zgjedhore të Partisë Socialiste për zgjedhjet e 25 Prillit të bëhet nesër në Durrës, aty ku Kryeministri Edi Rama kandidon për deputet.
