Bursat europiane në stanjacion, po tregtohet me kujdes
Në bursat europaine sot po tregtohet me kujdes, pas javës që shkoi ku çmimet e aksioneve u rritën fuqishëm, e indeksi STOXX 600 arriti edhe nivelin rekord.
Indeksi STOXX 600 i aksioneve kryesore europiane në orën 9:30 ishte i pandryshuar nga ai i së premtes.
Ndërkohë indeksi londinez FTSE u rrit me 0.05 për qind, në 7133 pikë, deri sa ai i Frankfurtit DAX pësoi rënie 0.10 për qind, në 15.385 pikë, e ai parisien CAC 0.25 për qind, në 6368 pikë.
Rritjen më të madhe e pësuan çmimet e aksioneve në sektorin minerar, mesatarisht 2.1 për qind, fal shpresës së investitorëve në përshpejtimin e rimëkëmbjes së ekonomisë, dhe me këtë, rritjen e kërkesës për lëndën e parë.
Nga ana tjetër, çmimet e aksioneve në sektorin teknologjik janë ulur mesatarisht 1.1 për qind.
Ngadalësimi i rritjes së punësimit
Ndërkohë në bursat aziatike, çmimet e aksioneve në mëngjes kanë pësuar rritje, kështu indeksi MSCI i aksioneve aziatiko-paqësore, pa ato japoneze, rreth orës 9:30 ishte në plus 0.4 për qind.
Në bursën e Tokios, indeksi Nikkei u rrit për 0.55 për qind, në 29.518 pikë.
Investitorët aziatik janë inkurajuar me nivelet rekord të indeksit Dow Jones dhe S&P 500 në Wall Street ditën e premte, fal pritshmërive se Fed amerikan do të vazhdojë me politikën monetare jashtëzakonisht liberale pas të dhënave dëshpruese mbi punësimin në SHBA.
Në fakt, u bë e ditur se në muajin prill numri i të punësuarëve u rrit vetëm për 266 mijë, deri sa pritshmëria ishte rreth 1 milion.
Ngadalësimi i rritjes së punësimit ka befasuar shumë ekonomistë, të cilët parashikonin një rimëkëmbje të shpejtë ekonomike dhe vazhdimin e rritjes së kërkesës për punëtorë.
Por këto të dhëna nga tregu kanë zbutur shqetësimin e investitorëve në mënyrë që Fed të ketë mundësi të ndryshoj politikën e saj monetare ultra-tolerante, e cila përfshinë mbajtjen e normave të interesit në nivele rekorde të ulëta dhe blerje masive të aksioneve shtetërore.
“Ky është edhe një rast kur ‘lajmi i keq është lajm i mirë’. Rritja e numrit të punësuarëve për 266 mijë do të ishte impresionues në kohë normale, por kjo ka shokuar investitorët sepse ishin duke pritur katër herë shumë,” theksojnë analistët e ANZ Bank.
