Gjenerali Wesley Clark: Jam i impresionuar me demokracinë në Kosovë

Ish-komandanti Suprem i Forcave Aleate të NATO-s në Evropë, gjenerali amerikan Wesley Clark, sot pas takimit me ministrin e Mbrojtjes, Armend Mehaj, tha se është i impresionuar me demokracinë në Kosovë.

“Jam i nderuar të jem këtu e të kthehem përsëri në Kosovë. Jam i impresionuar me demokracinë e lirinë në Kosovë përgjatë gjithë këtyre viteve,” tha Gjenerali Clark ndërsa ministri Mehaj tha se e ka informuar gjeneralin amerikan për rolin dhe të arriturat e FSK-së dhe se shkollën e Forcave të Sigurisë së Kosovës do ta emërojë Qendra Universitare Wesley Clarck.

“Sot kemi nderin të mirëpresim në Kosovë gjeneralin historik të SHBA-së, gjeneral Clarck ka rolin kyç dhe vendimtar në çlirim e Kosovës dhe lirinë e Kosovës. E informova gjeneralin për të arriturat e Kosovës dhe FSK-ja ka bërë arritje të mëdha dhe po shndërrohet në forcë moderne,” tha ministri i Mbrojtjes i Kosovës, Armend Mehaj, duke përfunduar:

“FSK-ja ka prioritet integrimin në NATO. Për ndër të gjeneralit historik do të emëroj shkollën tonë të oficerëve të FSK-së me emrin Qendra e Studimeve Universitare Wesley Clarck.”