Italia kampione e Europës

Italia kampione e Euro 2020! Të kaltrit e Mançinit triumfuan me penallti ndaj Anglisë…

Pas barazimit 1-1 në 120 minuta. Heroi këtë herë ishte sërish Donaruma, që priti tre penallti, duke ngjitur Italinë në “çatinë” e Europës.

Ndeshja nisi me golin e anglezëve, ku Shou në minutën e dytë ndëshkoi të katërit. Pas golit të pësuar Anglia gradualisht u kthye në mbrojtje, por e bëri këtë shumë shpejt, teksa skuadra e Mançinit mori frenat e lojës.

Pavarësisht tentativa, pjesa e parë u mbyll me triumfin e “3 Luanëve”, ndërkohë që në minutën e 67-të, Bonuçi vendosi baraspeshën. Me këtë gol, mbrojtësi i Juventusit, (34 vjeç e 71 ditë) u bë shënuesi më i vjetër i historisë në finalet e Europianëve.

Pavarësisht golit të baraspeshët, Italia nuk hoqi dorë nga sulmet e rrezikshme, duke tentuar ta fitonte ndeshjen, por pa gjetur rrugën e rrjetës. Në shtesë loja ishte sërish e barabartë, kishte ritëm, por nuk kishte raste flagrante. Në fund edhe këtë herë ishte nevoja e penalltive për ta vendosur këtë finale. Beloti dhe Zhorzhinjo gabuan për Italinë, ndërkohë, Rashford, Sanço dhe Sako nuk ia dolën te Anglia.

FT: ITALI-ANGLI 1-1

Bonuçi 67′ / Shou 2′

PENALLTITË: 

10′ Gjuan Sako- pret Donaruma! 

9′ Gjuan Zhorzhinjo – pret Pikford! 

8′ Gjuan Sanço- pret Donaruma! 

7′ Gjuan Bernardeski- shënon! 

6′ Gjuan Rashford- topi përplaset në shtyllë! 

5′ Gjuan Bonuçi- shënon!

4′ Gjuan Meguajër – shënon! 

3′ Gjuan Beloti- pret Pikford! 

2′ Gjuan Kejn- shënon! 

1′ Gjuan Berardi – shënon! 

FORMACIONET ZYRTARE 

ITALI– Donaruma, Di Lorenco, Kielini, Bonuçi, Emerson, Verrati, Barela, Zhorzhinjo, Insinje, Kieza, Imobile, Trajner: R. Mançini

ANGLI- Pikford, Uoker, Meguajer, Stons, Shou, Rajs, Filips, Maunt, Tripier, Sterling, Kejn, Trajner: G. Sauthgejt

Futbollisti më i mirë i Euro 2020

Xhixho Donaruma është zgjedhur futbollisti më i mirë i Euro 2020. Gardiani i cili sezonin e ardhshëm do të jetë pjesë e PSG-së, falë penalltive të pritura, i siguroi të kaltërve, trofeun e dytë të Europianit në histori.

Në finalen e sotme ndaj Anglisë, ish-portieri i Milanit, priti 2 penallti. Një çmim mëse i merituar ky për 22-vjeçarin./Panorama/