Mirëmëngjes! Vuçiç, Rama e Zaev po ndërtojnë botën serbe, u pagëzua: Ballkani i ri!
Kryeministri Edi Rama e nisi mëngjesin e sotëm duke promovuar Komisariatin e Ri Dixhital por harroi t’u thotë ideatorëve të “Botës Serbe” që të heshtin se për çfarë kanë biseduar vërtetë mëngjesin e sotëm.
Kryeministri i Maqedonisë së Veriut, Zoran Zaev si proserb që është, mburret kur flet me Presidentin e Serbisë dhe nxiton ti thotë elektoratit të tij se ka biseduar me Aleksandar Vuçiç. E sa për Edi Ramën, kur thuhet Vuçiç ke thënë Rama:
“Këtë mëngjes kam pasur takim produktiv kushtuar përgatitjeve për Forumin Ekonomik për Bashkëpunim Rajonal, të cilin së bashku me Presidentin e Serbisë Aleksandar Vuçiç dhe Kryeministrin e Shqipërisë, Edi Rama, po e organizojmë në Shkup më 29 korrik duke u lidhur edhe më shumë për të lehtësuar dhe përmirësuar jetën e të gjithë qytetarëve tanë,” thekson Zaev përmes rrjetit social Facebook duke shoqëruar dhe me foto.
Presidentit serbe Aleksandar Vuçiç, nuk i pëlqeu ky njoftim i ftohtë i sejmenit të tij në Shkup, dhe sqaroi se çfarë po ndodhë pas promovimit të “Botës Serbe” në Serbi dhe Republikën Srpska:
“Bisedë shumë e suksesshme me Zoran Zaevin dhe Edi Ramën kushtuar përgatitjeve pë forumin rajonal ekonomik të cilin së bashku po e organizojmë më 29 korrik në Shkup. Iniciativa rajonale e cila do të na lidhë dhe do të përmirësojë jetën e të gjithë qytetarëve. Ndërtojmë së bashku Ballkanin e ri, evropian.”
Dhe deri sa Aleksandar Vuçiç vazhdon projektin serb të cilin e pagëzoi fillimisht Mini Shengeni, për gjatë javës foli për “Botën Serbe” dhe sot duke paralajmëruar takimin e treshes serbe të Novi Sadit, jep dhe emrin e ri të projektit pa lënë dyshime pas deklaratve të Edi Ramës, “Ballkani i ri”, Kryeministri i Shqipërisë mundohet ti hedhë hi syve të shqiptarëve me Komisariatin e Ri Dixhital:
Për ata që nuk i besojnë sot Presidentit të Serbisë, Aleksandar Vuçiç, dhe mrekullohen me Komisariatin e Ri Dixhital të Edi Ramës, për dëshmitar kanë Presidentin e Bosnje Hercegovinës dhe Malit Zi, si dhe Kryeministrin e Kosovës që kundërshtuan Mini Shengenin pa folur Vuçiç për “Botën Serbe” sepse projekti është i vitit 1946 kur ata ishin pjesë e Jugosllavisë. Pse Aleksandar Vuçiç e ndryshoi sot emrin, Ballkani i ri, kjo është vetëm çështje e Beogradit!
