Kjo quhet faturë! 13 mijë euro, tekila dhe shampanjë në një klub të Kroacisë…
Kemi parë fatura të ndryshme në rrjetet sociale nga kjo verë pas vitit të frikshëm pandemik, ku 2 vezë në sy janë paguar 800 lekë në Dhërmi ose 10 qofte 10 euro në Ulqin, por fatura e fundit që vjen nga Kroacia kalon të gjithë kufijtë e çmendurisë, ose thënë më shqip: Kjo quhet faturë!
Në një klub në Hvar të Kroacisë dikush ka paguar një faturë jashtëzakonisht të kripur vetëm për pije, 99.154 kuna, shkruan e përditshmja kroate Slobodna Dalmacija. Me këto para, mbi 13 mijë euro, në Kroaci mund të blehet një makinë BMW 1 e përdorur e vitit 2015 ose Opel Corsa e re, Citroen C1…
Klientët e këtij klubi mbrëmjen e së martës kanë konsumuar shampanjë, kokteje, lëngje, e fatura përfundoi në rrjetet sociale.
Faturën tashmë virale mund ta shihni edhe vet:
Ajo që ka “fryrë” këtë faturë, siç shihet, janë pesë shishet e tekilas Don Julio Anejo që kushtuan 24 mijë kuna.
Kur fatura pëfundoi në rrjetin social Reddit, ajo u verifikua nëse vertetë bëhet fjalë për një faturë fiskale. U konfirmua se faturale është reale.
