PD reagon pas fotove të shpërndara nga Veliaj: Mjeran, po tenton të përçash artistët për kullat…

Partia Demokratike e ka cilësuar si një fabrikim të Erjon Veliajt lajmin e shpërndarë nga stafi i tij, sipas të cilit PD po udhëzon artistët dhe aktorët, në protestën dhe kundërshtitë e tyre për Teatrin Kombëtar.

“PD hedh poshtë me neveri lajmet e fabrikuara nga Erion Veliaj dhe të shpërndara në median e kontrolluar prej tij se PD urdhëron artisteët për qëndrimet e tyre.

Zonja që komunikon në bisedën e përgjuar nga kamera e Erion Veliajt nuk ka asnjë funksion në Partinë Demokratike.

Fabrikimi i lajmeve për të identifikuar qëndrimin e artistëve si nje akt partiak është përpjekje mjerane e Erion Veliajt dhe Edi Ramës për të përçarë artistët.

PD inkurajon dhe është në krah të çdo artisti që refuzon të bëhet pjesë e pazareve të pista të Erion Veliajt për shembjen e Teatrit Kombëtar dhe ndërtimit teë kullave të korrupsionit në territorin e Teatrit Kombëtar”, thuhet në një reagim të PD-së.