“Zjarrvënësit të kalben në burg”, PD: Më e rëndësishme të japin llogari zjarrvënësit e financave publike

Pas ceremonisë që zhvilloi sot në Bazën Ajrore Farkë kryeministri Edi Rama ku shpërndau dhe dekorata për menaxhimin e sukseshëm dhe fikjen e zjarreve në vend, ka reaguar Partia Demokratike përmes deputetit Tomorr Alizoti duke e cilësuar një propagandë të neveritshme ku dështimi u shit si sukses ndësa e vlerëson domosdoshmërinë e veprimit të ligjit kundër zjarrvënësve por edhe më rëndësishme është që përpara ligjit të japin llogari zjarrvënësit e financave publike dhe fatkeqësia e qytetarëve shqiptarë.

“Sot, qytetarët dëgjuan edhe njëherë propagandën e neveritshme që prej shumë kohësh përmbys të vërtetën, për t’iu fshehur përgjegjësive dhe për ta shitur dështimin si sukses. Është e qartë për të gjithë, braktisja e forcave të ushtrisë dhe skuadrave të emergjencave civile. Ata u përballën me zjarret me mjete rrethanore ndërsa Rama, shëtiste me helikopterin që duhej të ndihmonte në përballjen me zjarret,” tha Tomor Alizoti në reagimin e tij përmes rrjetit social Facebook duke e shoqëruar dhe me një video ndërsa shprehur mirënjohje dhe Kosovës të cilën e harroi Edi Rama, pa ndihmën e të cilëve dhe pa vullnetin e personelit të ushtrisë dhe emergjencave, të braktisur dhe lënë në mëshirë të fatit, kostot e keqmenaxhimit, paaftësisë dhe korrupsionit të këtij regjimi, do të ishin edhe më të frikshme për qytetarët dhe pasurinë tonë natyrore.

Ndryshe, në fjalën e tij, sot Kryeministri Edi Rama kërkoi nga gjykata që zjarrvënësit të dënohen duke u kalbur në burg.

Reagimi:

Sot, qytetarët dëgjuan edhe njëherë propagandën e neveritshme që prej shumë kohësh përmbys të vërtetën, për t’iu fshehur përgjegjësive dhe për ta shitur dështimin si sukses. Është e qartë për të gjithë, braktisja e forcave të ushtrisë dhe skuadrave të emergjencave civile. Ata u përballën me zjarret me mjete rrethanore ndërsa Rama, shëtiste me helikopterin që duhej të ndihmonte në përballjen me zjarret.

Mirënjohje partnerëve tanë euro-atlantikë dhe Kosovës, pa ndihmën e të cilëve dhe pa vullnetin e personelit të ushtrisë dhe emergjencave, të braktisur dhe lënë në mëshirë të fatit, kostot e keqmenaxhimit, paaftësisë dhe korrupsionit të këtij regjimi, do të ishin edhe më të frikshme për qytetarët dhe pasurinë tonë natyrore.

E domosdoshme që ligji të veprojë kundër zjarrvënësve, por edhe më rëndësishme që përpara ligjit të japin llogari ata që kanë shpërdoruar me detyrën dhe me korrupsionin e kudondodhur të këtij regjimi, të cilët janë zjarrvënësit e financave publike dhe fatkeqësia e qytetarëve shqiptarë.