Sërish tërmet i fuqishëm në Qarkun e Shkodrës

Sërish lëkundje të forta të tokës në Qarkun e Shkodrës! Qendra Mesdhetare Sizmologjike, EMSC, raporton për një tërmet me magnitudë 4.7 të shkallës Rihter dhe thellësi 10 kilometra, me epiqendër 11 kilometra afër Koplikut, i cili ra në orën 14:26.

Tërmeti shkaktoi panik ndër banorët e zonës, në Lezhë dhe Tiranë si dhe shtetet fqinje.

Në Podgoricë e cila ishte vetëm 27 kilometra nga epiqendra, banorët filluan të shqetësohen pasi kemi të bëjmë me tërmetin e dytë të fuqishëm pas atij të orëve të para të mëngjesit.