Reshje intensive të shiut, ARRSH: Kujdes! Rënie gurësh në akset…

Reshjet e dendura të shiut që prej mbrëmjes së djeshme kanë shkaktuar problematika në qarkullimin e automjeteve në disa akse rrugore. Autoritetit Rrugor Shqiptar, ARRSH duke bërë me dije se ka patur rënie gurësh ose inertesh në disa zona i bënë thirrje përdoruesve të rrugës të bëjnë kujdes dhe të reduktojnë shpejtësinë për shkak të lagështisë në rrugë

Në zonën e Poçemit, Gjirokastrës, Sarandës dhe atë të Murrashit në aksin Elbasan-Librazhd ku ka pasur rënie gurësh ose inertesh.

Ndërkohë Instituti i Gjeoshkencave, IGJEUM, ka parashikuar reshje intensive deri lokalisht shumë intensive në qarkun Shkodër, ndërsa në qarkun Vlorë priten reshje mesatare deri lokalisht shumë intensive. Në qarqet Kukës, Lezhë dhe Gjirokastër priten reshje mesatare deri lokalisht intensive, ndërsa në qarqet e tjerë priten reshje mesatare.

Reshjet e shiut do të shoqërohen me shtrëngata dhe shkarkesa elektrike. Shtrëngatat për momente të shkurtra, mund të krijojnë vërshime lokale kryesisht në veriperëndim dhe jugperëndim të vendit.

Njoftim:

Reshje shiu me intensitet mesatar kanë vazhduar gjatë natës pa sjellë probleme me qarkullimin e mjeteve

Ka pasur rënie gurësh ose inertesh në disa zona, si në zonën e Poçemit, Gjirokastrës, Sarandës dhe në zonën e Murrashit në aksin Elbasan-Librazhd.

Grupet e patrullimi kanë bërë pastrimin e akseve në kohë.

Kontraktorët e mirëmbajtjes janë në terren për mbarëvajtjen e akseve

Përdoruesit e rrugës të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë për shkak të lagështisë në rrugë