Aktori Alec Baldwin vret një grua gjatë xhirimeve të filmit

Një grua është vrarë dhe një burrë është plagosur pasi aktori amerikan, Alec Baldwin, ka qëlluar me armë zjarri gjatë xhirimeve të një filmi në New Mexico.

Policia amerikane ka konfirmuar se Baldwin ka shkrepur armën, që përdoret në industrinë e filmit, gjatë xhirimeve. Gruaja që është vrarë, Halyna Hutchins, raporton RFE, ka qenë duke punuar si drejtore e fotografisë.

Personi i plagosur është regjisori Joel Souza.

Policia është ende duke hetuar incidentin dhe nuk është ngritur asnjë aktakuzë. Policia tha se Baldwin ka folur tashmë me detektivët.