Vendimet e Qeverisë/ 10 mld lekë për sektorin energjetik, mbrojtje për familjarët dhe biznesin e vogël

10 miliardë lekë do të vihen në dispozicion të sektorit energjetik në formën e garancisë sovrane për të mbrojtur fashën e abonentëve familjarë dhe biznesit të vogël. Vendimi është miratuar në mbledhjen e fundit të Këshillit të Ministrave.

“Sot kemi miratuar vendimin për ofrimin e garancisë sovrane, për të vënë në dispozicion të sektorit energjetik  10 miliard lekë, të cilat do të na krijojnë kushtet për të mbrojtur të gjithë fashën e abonentëve familjarë dhe ato të biznesit të vogël.

Kjo është një strategji që ne e kemi publikuar që në fillim të tetorit, së bashku me shpalljen e emergjencës energjetike. Duhet të kemi parasysh që çmimet e larta globale janë një problem mjaft i madh, por ajo që nga shqetëson më shumë sot është mungesa e sasisë energjetike në treg, që janë mungesa të konsiderueshme në të gjithë zonën e Ballkanit, por edhe në Europë”, deklaroi ministrja e Infrastrukturës dhe Energjisë. Ajo që po bëjmë, po krijojmë mundësi për të siguruar sasitë e nevojshme të energjisë me kontrata të gjata që të kemi çmime të mira e ato sot në treg përmes bursave, Belinda Balluku.

Qeveria i ka ndaluar investimet, si për KESH, OSHEE dhe OST, përveçse investimeve kritike. Nga ana tjetër sot është miratuar projktligji për shpronësimet për dy linjat 110 kilovolt dhe 220 kilovolt.

“Kanë kaluar edhe projektligji për shpronësimet për dy linjat 110 kilovolt dhe 220 kilovolt. Ne i konsiderojmë investime kritike, pasi investimet e tjera janë stopuar. Dua të përmend dy ndryshime në VKM për rregullimin e burimeve të energjisë së rinovueshme. Janë ndryshime për të facilituar investimet vendase në energjinë e rinovueshme që të bëhen pjesë garave pa i vënë detyrime që i pengojnë si eksperiencë apo sasia e parave që duhet të kenë në dispozicion para nisjes së projektit”, tha Balluku.

Eurobondi 700 mln euro, dalja në tren në fillim të Nëntorit

“Janë miratuar dy projektligje:

I pari për vlerën e eurobonit, do të dalim në tregun ndërkombëtar në fillim të nëntorit  për një eurobond me vlerë 700 milion euro. Ende nuk është përcaktuar kur, po shohim një kohë të përshtatshme për të marrë një normë të përshtatshme. Nga tjetër miratuar një projekt vendim për nxitjen e punësimit. Një grant prej 1.25 mln euro nga banka gjermane për nxitjen e punësimit. Projekti  për zhvillimin e qëndrueshëm rajonal për nxitjen e punësimit dhe arsimit profesional”, deklaroi ministrja e Financave dhe Ekonomisë, Delina Ibrahimaj./Monitor/