Presidentja e Kosovës në vizitë zyrtare në Portugali

Presidentja e Kosovës, Vjosa Osmani, sot ka filluar një vizitë zyrtare në Portugali.

Gjatë qëndrimit në Portugali, Presidentja Osmani do të takohet me Presidenten Marcelo Rebelo de Sousa, Kryetarin e Parlamentit, Eduardo Ferro Rodrigues, ministrin e Jashtëm Augusto Santos Silva, ministrin e Mbrojtjes João Gomes Cravinho si dhe shefin e Forcave të Armatosura, admiral Silva Ribeiro.

Presidentja e Kosovës, Vjosa Osmani, gjithashtu do të mbajë fjalim  në Samitin Global të Grave në Lisbonë, do ta ketë një diskutim në Institutin Universitar të Lisbonës, ISCTE, takim me bizneset si dhe takim me një grup të diasporës në Portugali.

Ndryshe, vizita e Presidentes Vjosa Osmani në Portugali është e para e një Presidenti të Kosovës, që nga njohja e pavarësisë në tetor të vitit 2008.