Lufta kundër krimit dhe korrupsionit, Kim: Ky është vetëm fillimi, ne po shohim një epokë të re!
E vetmja mënyrë për të luftuar krimin e organizuar dhe korrupsionin është të kemi institucione të pavarura, tha Ambasadorja e SHBA në Tiranë, Yuri Kim, duke i cilësuar rezultatet e arritura nga largimi i gjyqtarëve të korruptuar deri tek arrestimi i politikanëve, vetëm fillimi, ku ne po shohim një epokë të re.
“Të gjithë kërkojmë një Shqipëri ku të gjithë të jenë të sigurt dhe mbron qytetarët e saj. Njerëzit e ndershëm dhe punëtorë shkurajohen kur shohin se krimi i organizuar nuk kontrollohet. E ardhmja e ndritur e Shqipërisë mbështetet tek qytetari i zakonshëm që beson se sistemi nuk është i ndërtuar kundër tyre. E vetmja mënyrë për të luftuar krimin e korrupsionin është të kemi institucione të pavarura. Policia, prokurorët gjyqtarët dhe politikanët duhet ti rezistojnë korrupsionit. Në vitin 2021 që nga largimi i gjyqtarëve të korruptuar deri tek arrestimi i politikanëve ka arritur shumë,” tha Ambasadorja amerikane në takim me Donatorët duke vlerësuar si fillim të një epoke të re.
“Ky është vetëm fillimi, ne po shohim një epokë të re. Ekziston ndjesia se pandëshkueshmëria mundet. Shqipëria është një rrugë kyçe në trafikun e drogës dhe trafikun e qenieve njerëzore. Sipas UNODC rreth 60-65 ton heroinë kontrabandohen në rajon gjatë vitit, kjo nuk është vetëm për Shqipërinë, por për të gjithë rajonin. Numri i emigrantëve të paligjshëm gjithashtu është rritur. Me rritjen e trafikimit të qenies njerëzore ka edhe rrezik. Krimi i dhunshëm shpesh lidhet me krimin e organizuar,” tha Ambasadorja e SHBA në Tiranë, Yuri Kim, duke përfunduar:
“Unë kam parë se çfarë mund të bëjë Shqipëria dhe udhëheqësit shqiptare kur e ndajnë mendjen për të luftuar!”
Ndryshe, në takim me Donatorët, ku ishte i pranishëm edhe Ambasadori i BE, Luigi Soreca, ministri i Brendshëm, Bledi Çuçi, bëri të ditur se Ilir Beqja është zgjedhur në krye të Agjencisë që merret me ndihmat e donatorëve. Ambasadorja Yuri Kim u largua në momentin kur Beqja mori fjalën, më vonë u tha se kjo ishte arsyeja e largimit të Ambasadores Amerikane por mbetet e paqartë pse ndodhi kjo kur takimi ishte me Donatorët dhe kohë më parë Kryeministri Edi Rama e zgjodhi Ilir Beqjen me padi në SPAK në krye të Agjencisë, dhe, jo, sot!
