Presidentja e KE: Jam e trishtuar, Krishtlindja sërish do të errësohet nga pandemia!

Presidentja e Komisionit Europian, Ursula von der Leyen, tha se është e trishtuar sepse Krishtlindja sërish do të errësohet nga pandemia duke shtuar se pritet që varianti i koronavirusit Omicron do të dominoj në Bashkimin Europian deri në mesin e muajit Janar.

Si kreu i ekzekutivit, Presidentja e Komisionit Europian nuk tha se BE është e gatshme për luftën kundër variantit Omicron pasi që aktualisht 66 për qind e popullsisë së Bashkimit Europian është e vaksinuar plotësisht kundër koronavirusit.

Von der Leyen tha se është e bindur se BE ka fuqi dhe mjete për të ngadhnjyer ndaj covidit, por shprehu dëshprimin sepse pandemia sërish do të trazoj festat e fundvitit. 

“Si shume prej juve, edhe unë jam e trishtuar sepse Krishtlindja sërish do të errësohet nga pandemia,” tha Von der Leyen duke shtuar se BE aktualisht po përballet me një sfidë të dyfisht, raporton Agjencia e lajmeve AP, rritjen e madhe të numrit të rasteve gjatë javëve të kaluara, por dhe ardhjen e variantit Omicron.

“Po shohim se po sëmuren një numër i madh i njerëzve, spitalet po mbingarokohen, për fat të keq, po rritet numri i të vdekurëve,” tha Presidentja e KE por theksoi se rritja e numrit të infeksioneve kryesisht është pasojë e përhapjes së variantit Delta.

Omicroni në horizont

“Ajo që më shqetëson është se po shohim variantin e ri në horizont, Omicron, i cili, sipas të gjitha gjasave është më infektues,” tha Presidentja e KE.

Duke ju falënderuar niveleve të larta të vaksinimit në shumë shtete anëtare të BE, Von der Leyen tha se Evropa është në një situatë më të mirë duke saktësuar se 300 milionë njerëz janë vaksinuar dhe 62 milionë kanë marrë edhe dozën shtesë ndërsa përfundoi:

“Të dhënat e para dëshmojnë se tri dozat janë mbrojtja më e mirë ndaj variantit më të ri!”