Sot Referendumi për shkarkimin e Lulzim Bashës. Ja si dhe ku do të votoni…

Sot, 76 mijë antarë të Partisë Demokartike përmes Referendumit do të shprehen nëse duhet të ratifikohet ose jo vendimi i Kuvendit për shkarkimin e Kryetarit Lulzim Basha i cili u votua në Kuvendin e 11 Dhjetorit.

Të drejtën për të marrë pjesë në Referendum e ka çdo anëtar i Partisë Demokratike, i cili para qendrës së votimit paraqitet me kartën e anëtarësisë dhe dokumentin e identifikimit.

Në fletën e votimit për këtë Referendum ngrihet një pyetje:

“A jeni dakord me vendimin e Kuvendit Kombëtar për shkarkimin e kryetarit të PDSH Lulzim Basha? 

Po, (dakord me shkarkimin)

Jo (kundër shkarkimit)

Votimi për Ratifikimin e vendimit të Kuvendit të ligjshëm Kombëtar për shkarkimin e Bashës do të nisë në ora 08:00 të mëngjesit dhe pritet që të përfundojë në orën 17.00 ndërkohë bëhet e ditur se pjesa më e madhe e demokratëve do të votojnë në selitë e PD-ve lokale, ndërsa për ato degë ku Lulzim Basha ka ndërruar bravat do të votohet në ambientet e përcaktuara nga krerët e degëve të PD:

Me vendim të Komisionit për Rithemelimin e PD, organizimin dhe drejtimin e procesit të Referendumit do ta drejtoi Komisioni për Organizmin dhe Kontrollin e Operacioneve Elektorale.

Kryetare e këtij Komisioni është caktuar Albana Vokshi dhe anëtarë janë Ervin Minarolli, Eno Bozdo, Edith Harxhi dhe Keltis Kruja.

Ky Komision ka përgjegjësi të organizojë, mbikqyrë dhe të drejtojë procesin e referendumit deri në nxjerrjen dhe në shpalljen e rezultatit përfundimtar.

Ndryshe, Referendumi për ratifikimin e vendimit të Kuvendit për shkarkimin e Kryetarit Lulzim Basha mbahet me vendim të Kuvendit të ligjshëm Kombëtar të PD, i cili më 11 Dhjetor votoi për shkarkimin e Lulzim Bashës.