Video/ Ja si ekzekutohen trafikantët e drogës para 300 nxënësve…

Në një terren sportiv të qytetit Haikou (krahina kineze Hainan), dy trafikantë të drogës janë dënuar me vdekje. Dhënia e dënimit është shpallur para 300 nxënësve, dhe sipas britanikes “The Sun”, ata më pas u ekzekutuan menjëherë.

Qeveria kineze ka organizuar dënimin publik më 26 qershor, në Ditën ndërkombëtare kundër keqpërdorimit dhe trafikimit të drogës.

Cai Liqun (39) është dënuar për shkak të shitjes së methamphetaminës dhe maguas, përzierjes së methamphetaminës dhe caffeinës. Cai merrte drogën me postë, të cilën e ka shitur gjatë përiudhës shtator-nëntor 2015.

Huang Zhenye (36), I cili është akuzuar për shitjen dhe transportin e methampfetaminës, gjithashtu është shpall fajtor.

Para qindra nxënësve të mbledhur, gjykatësi u shpreh:

“Shpall, se Cai Liqun dhe Huang Zhenye dënohenme vdekje. Dënimi do të kryhet me  pushkatim.”

Siç raporton chinacourt.org, janë zhvilluar edhe 17 gjyqe të ngjashme publike me trafikantë droge, tetë prej të cilëve janë dënuar me vdekje  ose dënim me vdekje me kusht. Në rast të dënimit “me vdekje me kusht”  ekzekutimi është shtyrë për dy vjet, nëse i dënuari ndërkohë nuk bënë ndonjë vepër të re penale, ku dënimi në më nyrë automatike shndërrohet në burg të përjetshëm ose 25 vjet burg.