FRESSH 30 vjeç, Rama: I ri mbetet vetëm Pandeli Majko, përpiqet Taulanti i shkretë, por s’arrin dot!

Në 30 vjetorin e themelimit të FRESSH, Kryetari i PS dhe Kyeministri Edi Rama, i bëri thirrje të rinjve që ti bashkohen politikës ndërsa bëri të ditur se do të themelohet Akademia Politike në mënyrë që të kanalizohen energji të reja.

Dhe, ajo që pritej në seancë parlamentare, ndodhi para anëtarëve të FRESSH ku Edi Rama duke folur për politikën u tall me atë të Lulzim Bashës dhe krimet e tij më 8 Janar që i rezervoi për demokratët në selinë e PD, i cili në momentin kur nuk arriti të përballojë rezistencën e tyre thirri për ndihmë Kryeministrin Rama.

“Ne arrijmë të kuptojmë se çfarë duhet të shmangim në rrugën tonë politike. Nuk duhet lejuar politika që një çështje të caktuar ta çojë në rrugë të gabuar. Nuk ka gjë tjetër veç angazhimit politik që të jetë një busull për të ecur përpara. Unë dua që ju të shkoni përtej FRESSH-it, u bëtë 30 vjeç, nuk quhesh më i ri. I ri mbetet vetëm Pandeli Majko, askush tjetër, përpiqet Taulanti i shkretë por nuk e arrin dot. Fresshi u bë 30 vjeç kushdo ta mbajë le ta mbajë, kushdo ta hajë le ta hajë, por ju duhet të shkoni përtej FRESSH-it. Sot nuk mund të ketë hapësirë të kufizuar nga Fresshi sepse sot është një kohë tjetër, por origjina është mundësia që të ngrihet hapësira e re. Këtu nga ata që mezi po presin të shkojnë të hanë ka nga ata që duan të dëgjojnë këtë fjalim. Për ta rivënë politikën  si urë mes nesh dhe jush në përballje me sfidat e së ardhmes, përmes një force të patjetërsueshme që është politika,. Ju mund  ta bëni duke besuar tek bërthamat që keni nisur të krijoni,” tha Edi Rama duke paralajmëruar:

“Akademia politike do të ngrihet për të krijuar një hapësirë ku ne të përcjellim ekzistencën tonë dhe ju të kanalizuar energjitë. Kemi përballë një mur të lartë të indiferencës së të rinjve ndaj politikës, por nuk ka mur që nuk kapërcehet. Le të punojmë për të krijuar një fidanishte të re për politikën shqiptare ku ne të transferojmë dijen dhe përvojën. Çdo njeri ka potencial të pavënë në punë, jam i sigurt se politika është ajo që stërvit vetëdijen qytetare, stërvit mendimin strategjik që të duhet edhe kur të mos jesh më i ri. Qëllimi vetjak duhet të përkojë me interes të përbashkët.

Kush do që dëshiron t’i largohet vetmisë , të krijojë miqësi qëllimesh të përbashkëta dhe të mbrojë trutë e veta nga çoroditja e rrjeteve sociale le të na bashkohet.

Kush do ta mbushë kohën mes shkollës dhe gjumit ne na ka me vete, mua më ka me vete. Besojeni, Politika është shumë e bukur për ta kaluar jetën pa u prezantuar me të,” tha Kryetari i Partisë Socialiste i cili ndërsa i bëri thirrje të rinjëve socialist të merren me politikë ai u tall me politikën që bënë Lulzim Basha ndonëse e ka në shërbim.

“Ato që pamë pak ditë më parë, më 8 janar, as 1 km larg nga këtu tek oborri i një partie politike që u kthye në sheshxhirimin e një reality show, në një reality show me politikanë realë por të arratisur mbrapa në kohë, diku andej nga mesjeta dhe me godinën e partisë të kthyer në kështjellë, të cilën disa sulmonin për ta marrë, disa luftonin për të mos e lëshuar, gjëra të paimagjinueshme të cilat në vende të ndryshme, në përmasa të ndryshme, po ndodhin gjithnjë e më shumë.”

Nuk dihet se cila do të jetë politika kriminale e socialistëve shqiptarë në të ardhmen, por ajo demokratike është e qartë deri sa Lulzim Basha i shërben Partisë Socialiste dhe shoqërohet me kritika nga Edi Rama si dhe diversion nga Ilir Meta me pikën e dobët , Sali Berisha!