Ndodhë edhe kjo! Meta dhe Basha të shqetësuar për korrupsionin në Shqipëri!
Pas Raportit të fundit të Transparency International ku konstatohet se 86 për qind e 180 vendeve kanë bërë pak ose aspak në luftën e korrupsionit, ku për Shqipërinë rezultati është 35 pikë ose një përmirësim prej 2 pikëve në 10 vitet e fundit, çuditërisht ndër të parët kanë reaguara dy protagonistët që ndihmuan qeverinë dhe Kryeministrin Edi Rama në përkeqësimin e kësaj situate dhe ndër personat më të përfolur për korrupsion, Presidenti i Republikës, Ilir Meta, dhe kryetari i PD, Lulzim Basha.
“Mjaft korrupsionit! Mjaft pandëshkueshmërisë! Ndërsa shtetet e Maqedonisë së Veriut dhe Kosovës kanë shënuar progres të ndjeshëm në luftën kundër korrupsionit, vendi ynë ka vazhduar përkeqësimin. Në raportin e përvitshëm të Organizatës prestigjioze Transparency International, për Indeksin e Perceptimit të Korrupsionit në botë, Shqipëria ka pasur një rënie prej një pike në krahasim me vitin e kaluar, nga 36 në 35 pikë,” thekson Ilir Meta duke dhënë një të vërtetë se këto të dhëna, për fat të keq, përputhen plotësisht me bindjen dhe perceptimin e përgjithshëm të qytetarëve ndërsa shton:
“Por edhe me paralajmërimet që kam bërë prej kohësh sa i përket nivelit të ulët të demokracisë në vend, mungesës së respektimit të lirive dhe të drejtave të njeriut, shfrytëzimit të pandemisë për të forcuar autoritarizmin, mungesën e llogaridhënies në të gjitha nivelet, abuzimet me fondet publike nëpërmjet koncesioneve, PPP-ve dhe inceneratorëve, situatë e rëndë që vijon të vrasë shpresën dhe të detyrojë gjithmonë e më shumë shqiptarë të largohen nga vendi, për ta ndërtuar jashtë Shqipërisë të ardhmen e tyre,” shprehet në reagimin e tij përmes rrjetit social Facebook njeriu për të cilin gjithashtu ekziston perceptimi dhe akuzohet nga partia mëmë PS se është i korruptuar por kjo nuk e pengon të deklaron se gjendja është shumë e rëndë dhe kërkon reflektim të menjëhershëm, efektiv dhe të përgjegjshëm!derisa , ndërsa për shembull, dhjetë vjet më parë, rezultati i Shqipërisë ishte 33 pikë. Kjo sigurisht nuk është diçka për të cilën mund të jemi optimistë.
Shqetësim kaq madhor ka dhe bashkëpunëtori i Ilir Metës që sot e akuzon, kryetari i PD, Lulzim Basha, i cili aktualisht akuzohet si bashkëpunëtor i Kryeministrit Edi Rama dhe Kryetarit Bashkisë Tiranë, Erion Veliaj, nga ish-bashkëpunëtorët në Partinë Demokratike që sot identifikohen si Komisioni i Rithemelimit të PD.
“Raporti i fundit i Transparency International konfirmon se armiku i mirëqenies së shqiptarëve është korrupsioni. Përhapja e tij në çdo nivel të qeverisë Rama po e mban Shqipërinë në vendnumëro,” thotë Lulzim Basha përmes rrjetit social Twitter dhe nuk është satir por siç bënë politikë bënë shpreh dhe shqetësimet të tij ku shton:
“Lufta kundër korrupsionit është sot interesi ynë kombëtar, për të çliruar vendin dhe institucionet e tij nga të korruptuarit. Ndonëse një grusht i vogël njerëzish po mundohen ta mbajnë peng të ardhmen, ajo tashmë ju përket shqiptarëve!”
