Serbi, shet veshkën për të likuiduar faturën e dritave

Nuk është vetëm politika problem që  preokupon qytetarët e Serbisë. Kohët e fundit, varfëria gjithnjë e më  shumë po i bënë konkurrencë politikës. Madje për të  paguar faturën e dritave serbët sakrifikojnë shumë  më  shumë  se partinë dhe presidentin aq shumë  popullor, Aleksandar Vuçiç që mburret me mirëqenien në  shtetin të  cilin ai e drejton.

Këto ditë ,72 vjeçari Stojadin Mitiç nga qyteti i Nishit në Serbi ka shpall në rrjetet sociale shitjen e veshkës, për shkak të faturës së papaguar të dritave, fakt i cili ka shkaktuar komente të shumta në Serbi dhe më gjerë.

Mitiç për Agjencinë e lajmeve Beta tha se deri më tani ka marr pesë oferta dhe me siguri se do ta pranoj njërën prej tyre, sepse e sheh si mënyrën e vetme për ti siguruar sërish dritat familjes së tij, pasi që për më shumë se një muaj i janë prerë dritat.
Oferta më e mirë, tha Mitiç, të cilën e ka marrë është 6.000 euro.

Stojadin Mitiç thekson se pensioni i tij është 17.000  dinar (144 euro), e pensioni i bashkëshortes 12.000 dinar (101.5  euro) ndërsa borxhi që ka për dritat është 177.000 dinar (1.500 euro), ndërkohë që i duhen më shumë se 200.000 dinar (1.700 euro) për ti lidhur sërish dritat nga kompania Elektroenergjetike e Serbisë. “Nuk i kam këto para, dhe nuk do të lejoj që bashëshortja ime të vdes. Nuk dihet se kurrë do ti duhet bombola e oksigjenit që ajo përdor, dhe si ta përdor kur nuk kemi drita,” tha Matiç i ndërgjegjshëm që shitja e organeve është e paligjshme por thotë se do të paraqitet si donator.