Rusia pushton Ukrainën/ Finalja e Champions League, UEFA: S’do luhet në Saint Petersburg por…
Pas luftës që filloi Presidenti rus Vladimir Putin, për të pushtuar Ukrainën, UEFA ka vendosur që ta zhvendos finalen e Champions League nga Rusia, e cila ishte parashikuar të zhvillohet më 28 maj në Saint Petersburg.
UEFA e konfirmon se për shkaqe sigurie ka zhvendosur finalen e Champions League në stadiumin Saint Denis në Paris.
Ky vendim është marrë në një takim urgjent i cili u zhvillua sot pas situatës së krijuar në Ukrainë e cila po pushtohet nga Rusia.
The 2021/22 UEFA Men’s Champions League final will move from Saint Petersburg to Stade de France in Saint-Denis.
— UEFA (@UEFA) February 25, 2022
The game will be played as initially scheduled on Saturday 28 May at 21:00 CET.
Full statement: ⬇️
Finalja e Champions League do të zhvillohet më 28 maj ndërsa është favorizuar Franca para Anglisë e cila ofroi stadiumin e Wembley në Londër
“UEFA falënderon Presidentin e Francës, Emmanuel Macron, për mbështetjen e tij personale dhe angazhimin që Franca të organizoj ndeshjen më prestigjioze të futbollit evropian,” thekson UEFA përmes një komunikate.
Gjithashtu, UEFA ka zhvendosur edhe ndeshjet ndërkombëtare që janë parashikuar të luhen në Rusi, përkatësisht Ukrainë.
“Ekipet ruse dhe ato të Ukrainës si dhe kombëtaret e tyre që janë pjesë e garave të UEFA-s, do të duhet që përballjet e tyre ti zhvillojnë në stadiume neutrale deri në kohë të pacaktuar,” saktëson UEFA.
