Në pritje të Protestës 7 Korrikut/ Bordi s’lëviz nga zyra, sërish ul çmimin e naftës
Bordi i Transparencës, siç duket nuk lëviz nga zyra deri sa të përfundoj protesta e Partisë Demokratike që zhvillohet sot në orën 19:00, duke vazhduar me uljen e çmimeve të karburanteve.
Bordi vendosi që nafta të tregtohet me 235 lekë nga 243 lekë për litër sa ishte me vendimin e djeshëm ndërsa benzina do të tregtohet me 227 lekë nga 229 lekë për litër sa ishte me vendimin e fundit të Bordit të Transparencës.
Ndërkohë çmimi i gazit, ka vendosur Bordi, nuk ndryshon.
Çmimet e caktuara nga Bordi i Transparencës do të hynë në fuqi sot datë 7 Korrik ora 18.00 p.m dhe do të jenë të vlefshme deri në mbledhjen e ardhshme të Bordit.
Ndryshe, prej fillimit të muajit mars, kur nafta filloi të rritej me shpejtësi në tregun e brendshëm, për shkak të sulmit të Rusisë ndaj Ukrainës, qeveria krijoi Bordin e Transparencës për vendosjen periodike të çmimeve të naftës, benzinës dhe gazit, sipas një formule që merr për bazë çmimet e blerjes në bursa, taksat, kostot operative dhe një marzh fitimi.
Mbledhjet e Bordit dhe caktimi i çmimeve të kraburanteve pas shpalljes së datës së protestës nga Kryetari i PD, Sali Berisha, dhe zhvillimet në bursa, dëshmuan se Bordi i Transparencës është një organ politik që nuk ka lidhje me ekonominë, pavarësisht se ka në përbërje ekonomist dhe biznesmenë. Madje shumë më injorantë se shefi i tyre, Edi Rama!
Njoftim:
Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 235 lekë/litri, ndërsa i shitjes me shumicë jo më shumë se 223 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 227 lekë/litri, ndërsa i shitjes me shumicë jo më shumë se 215 lekë/litër.
Çmimi i shitjes me pakicë i nënproduktit gaz, të jetë 81 lekë/litri dhe i shitjes me shumicë 69 Lekë /litri. Gazi nuk ka ndryshuar.
Çmimet e caktuara nga Bordi i Transparencës do të hynë në fuqi sot datë 7 Korrik ora 18.00 p.m dhe do të jenë të vlefshme deri në mbledhjen e ardhshme të Bordit.
