Bien çmimet e naftës

Çmimet e naftës kanë rënë në tregjet ndërkombëtare nën nivelin 105 dollarë pasi që ndër tregëtarë sërish mbretëron frika nga përhapja e COVID-19 në Kinë dhe rënies së kërkesës, duke lënë në plan të dytë ofertën e kufizuar ndërkohë Bordi i Transparencës heshtë.

Në tregun londinez çmimi për barel ishte 2.08 dollarë më i ulët se në mbylljen e kaluar dhe ishte 104.94 dollarë ndërsa në tregun amerikan bareli u tregtua 2.55 dollarë më pak, 102.24 dollarë.

Tregjet u tronditën në këtë fillimjavë nga lajmi se Kina dhe Shangaji kanë zbuluar rastin e parë të nënvariantit shumë infektues të omikronit dhe se numri i të infektuarve në qytetin më të madh kinez është rritur nga 52 në 63.

“Tregu vetëm reagon në lajme, e vërmendjen më të madhe e ka tërheq deri më tani Kina,” tha analisti i Commonwealth Bank, Vivek Dhar.

Tregatrët vazhdojnë të jenë të shqetësuar për shkak të planeve perëndimore për kufizimin e çmimi të naftës ruse. Nga ana e tij, Presidenti i Rusisë, Vladimir Putin, ka paralajmëruar se sanksionet e reja mund të shkaktojnë pasoja katastrofike në tregun energjetik global.

Tregu vazhdon të jetë i kryqëzuar në mes të frikës nga ndalimi i mundshëm i furnizimit nga Rusia dhe kërcënimi i recesionit, konstatojnë analistë e Bankës amerikane të Investimeve, JP Morgan.

Nga ana tjetër, OPEC për shkak të Kurban Bajramit as sot nuk e ka publikuar çmimin e barelit të naftës. Çmimi i fundit të mërkurën ishte 114.3 dollarë.