FOTO/ Protesta e artitëve është qytetare, por forcat speciale rrethojnë Kuvendit

Prej orës 10:00 artistë dhe aktoorë, të mbështetur nga qytetarët, po protestojnë para Parlamentit kundër draftit të qeverisë që i hap rrugën shembjes së godinës së Teatrit Kombëtar dhe ndërtimit një teatri të ri, si dhe 6 kullave shumëkatëshe.

Po prej paradites në sallën e Kuvendit po debatohet mbi pr/ligjin, ndërsa opozita ka drejtuar apeleve të njëpasnjëshme që ose qeveria të tërheqë draftin, ose deputetët e PS-së të mos votojnë symbyllazi.
Seanca është karakterizuar nga debate dhe akuza të forta, por nuk ka pasur incidente, sikundër ka ndodhur në seancat e mëparshme parlamentare.

Në anën tjetër protestuesit i kanë bërë thirrje ligjvënësve të PS-së që të mos votojnë pr/ligjin, ndërsa kanë paralajmëruar përshkallëzim deri në ngujim dhe mbrojtje fizike të godinës së Teatrit Kombëtar.

Protestuesit kanë qenë tërësisht të qetë, nuk ka pasur asnjë përplasje me policinë apo incident, pork jo nuk ka penguar angazhimin e forcave special pranë Parlamentit. Fotot e mëposhtme tregojnë dislokimin e trupave speciale të policisë, që nuk dihet nëse janë një presion i hapur, apo policia ka informacione për ndonjë përshkallëzim situate, edhe pse kjo duket tërësisht e pamundur.