VIDEO/ Spaho: Ligjin e Ramës për Teatrin do e ketë zili edhe mafia…

Edmond Spaho, kryetar i Grupit Parlamentar të PD-së, tha në sallën e Kuvendit, se ligjin për Teatrin që kërkon të miratojë Edi Rama do e kenë zili edhe barbarët dhe mafia.

Duke folur në emër të grupit parlamentar të PD-së, Spaho tha se me ligj po krijoni mekanizëm për të vjedhur sa më shumë, e i pari që do vjedhi është kryeministri i vendit, jo pak por 200 milionë euro.

“Ka 20 vjet që ia ka vënë syrin Teatrit ta shkatërrojë e të ndërtojë kulla. Nuk do gjejë derman që kalin ku ka hipur tani ta shfrytëzojë deri në fund për ta arritur këtë objektiv.

Nuk fillon Tirana kur është bërë ky kryetar bashkie dhe kryeministër. Do ta bësh demokratike? Organizo një referendum ku qytetarët e Tiranës të shprehen edhe do ta shikosh rezultatin. Po na bën qesharak edhe ne të tjerëve.

Prishët pazarin e vjetër të Tiranës, ia hoqët identitetin qytetit, prishët stadiumin, (Rama flet pas krahëve të Spahos dhe qesh) ja shife si qesh, të gjitha janë produkte të të majtës, prishin stadiumin për të ndërtuar kullën e Edi Ramës, prishët rrugën e Dibrës dhe rrugën e Barrikadave, shkatërruat sheshin e Tiranës.

Doni të prishni? Prishe Teatrin e Kukullave, i bashkojmë edhe ca tokë nga oborri i PS, edhe bëj nja 3 kulla atje. Të bëjmë kulla o vlla, ti vdes për kulla, hajde ti prishim. Drejtori i Institutit të ndërtimit, tha 99.99% tërmeti i parë që do bjerë e rrafshon, mbajini njerëzit të mos hyjnë në teater. Perëndia e dëgjoi dërgoi tërmetin dhe sot Teatrin e keni më të fortë se më përpara, me këto argumente të këtij palo drejtori dëshiron ta prishë”, tha Spaho.