Sot Kurti dhe Vuçiç takohen në Bruksel

Kryeministri i Kosovës, Albin Kurti dhe Presidenti i Serbisë, Aleksandar Vuçiç, sot do të takohen në Bruksel, sërish me qëllim të normalizimit të marrëdhënieve mes dy vendeve dhe zbatimit të marrëveshjeve të firmosura.

Sipas agjendës së Bashkimit Evropian, dita nis me takimet dypalëshe të Kurtit dhe Vuçiç me Përfaqësuesin Special për politikë të Jashtme dhe Siguri të BE, Josep Borrell, për të filluar më pas me trakimin trepalësh Borrelll-Kurti-Vuçiç në orën 10:30 ku takimi do të fokusohet në rrugën përpara në dialog dhe arritjen e një marrëveshjeje gjithëpërfshirëse të normalizimit të marrëdhënieve mes dy vendeve. Nuk është përjashtuar mundësia që pas këtij Pas këtij takimi, mund të ketë përsëri takime dypalëshe, sipas nevojës.

Gjatë takimit do të trajtohen gjithashtu çështjet aktuale dhe do të synohet zbutja e tensioneve mes palëve. Përfaqësuesi i lartë i BE-së do të zhvillojë gjithashtu takime të veçanta me secilin lider.

Në fund të takimit, shefi i Bashkimit Evropian për Politikë të Jashtme, Josep Borrell do të japë deklaratë për media.

Bashkimi Evropian tha se takimi synon zbutjen e tensioneve ndërmjet të dyja palëve, që pasuan reagimet serbe ndaj vendimit të qeverisë së Kosovës për zbatimin e reciprocitetit mbi përdorimin e dokumenteve të identifkimit dhe targave të makinave.

Ndryshe, takimi i sotëm Kurti-Vuçiç vjen pas më shumë se një viti bllokimi të takimeve të këtij niveli në Bruksel, dh enjë ditë pas takimit që Kryeministri i Kosovës dhe Presidenti i Serbisë zhvilluan me Sekretarin e Përgjithshëm të NATO-s, Jens Stoltenberg.