Bordi reagon vetëm për rritjen e çmimit të karburantit, naftën e çon 239 lekë/litri

Për ata që kishin krijuar idenë se Bordi i Transparencës nuk vepron, sot u veirifikua e kundërta dhe duke filluar prej sot lirshëm mund se ai quhet Bordi i Transparencës për Rritjen e Çmimit të Karburantit meqë kur ulet çmimi në bursë ai heshtë!

Sot çmimi i naftës është rritur ndjeshëm dhe sërish nuk ka lidhje me bursën pavarësisht përrallave të Bordit. Nëse i referohemi datës 20 Maj kur në bursa, treguesi Platts, referencë kjo e naftës që importojnë kompanitë shqiptare, ishte 1108 dollarë për ton, dhe çmimi tek ne ishte 229 lekë/litër; Ndërkohë sot po me këtë çmim, Bordi i Transparencës vendos që nafta tek ne të tregtohet me 239 lekë për litër, nga 227 lekë që ishte deri tani, ose 10 lekë/litër më shumë se më 20 Maj.

Ndërsa benzina u rrit me 3 lekë, në 205 lekë/litër

Kjo është rritja e tretë radhazi e çmimit, ndërkohë që ai nuk u al kur para dy javësh në bursa nafta ra në nivelet e para luftës në Ukrainë. 

Ndryshe, çmimet e caktuara nga Bordi do të hynë në fuqi sot datë 23 Gusht ora 18.00 dhe do të jenë të vlefshme deri në mbledhjen e ardhshme të Bordit.

Njoftim:

-Çmimi i shitjes me pakicë i nënproduktit gasoil i standardit SSH EN 590 të  jetë jo më shumë se 239 lekë/litri, ndërsa i shitjes me shumicë jo më shumë se 227 lekë/litër.

-Çmimi i shitjes me pakicë i nënproduktit benzinë e standardit SSH EN  të  jetë jo më shumë se 205 lekë/litri,ndërsa i shitjes me shumicë jo më shumë se 194 lekë/litër.

-Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.

( Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

Çmimet e caktuara nga Bordi do të hynë në fuqi sot datë 23 Gusht ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.