Dubai i Edi Ramës në Durrës, Berisha: Mega-afera më e madhe sot në Europë!
Kryetari i Partisë Demokratike, Sali Berisha, edhe sot i dha përgjigje trupës qeveritare të Edi Ramës e cila edhe pas 9 viteve krahasimin e bënë me Qeverinë Berisha nga viti 2013 ndërsa foli dhe për mega-aferën më të madhe sot në Europë, Dubain e Edi Ramës në Durrës.
“Zonja përmendi këtu 2013. Ajo që mund t’u them shqiptarëve është se, pasi kanë marrë 9 vite me rradhë mbi 500 miliard lekë çdo vit borxh dhe e kanë rritur borxhin nga 62.4 përqind në 107 përqind, përveç vilave, bauleve dhe kontove të fshehta të tyre, këta vjedhës nuk janë në gjendje të nxjerrin asgjë substanciale në 9 vite, përveç pasurimit të tyre.
Së dyti, dua të qartësoj shqiptarët se ka ikur njeriu që ka për flamur, flamurin e Vuçiçit, që ka për atdhe, atdheun e Vuçiçit. Se afera e Durrësit është aferë Vuçiç-Rama, Rama-Vuçiç. Pas aferës së Durrësit qëndrojnë vëllezërit Kariç, të sanksionuar nga SHBA, BE dhe Britania, dhe tani bëjnë biznes me holding-un e Emirateve të Bashkuara që ka blerë kompanitë e tij së bashku me Edi Ramën dhe Aleksandër Vuçiç,” tha Sali Berisha nga foltorja duke përfunduar:
“Dubai i Edi Ramës në Durrës është mega-afera më e madhe sot në Europë. I një njeriu që shkatërron vendin e tij për të mbushur xhepat dhe për interesat strategjike e Vuçiç, i shkatërron vendit, portin mijëravjeçar. Kjo është e vërteta. Flamuri i tij është flamuri i Serbisë. Flamuri i vjedhjes. Atdheu i tij është Beogradi.”
Por Kryetari i PD, Sali Berisha u detyrua të sqaroj para meidave të interesuar edhe jashtë godinës së Kuvendit të Shqipërisë se cila është lidhja në mes të Aleksandar Vuçiçit, Edi Ramës dhe Aleksandar Lukashenkos me mega-aferën e Dubai City në Durrës.
“Epiqendër e kësaj mega-afere janë vëllezërit Kariç, të cilët janë të mirënjohur si portofoli financiar i Aleksandër Lukashenkos. Kompanitë e Dragomirit, Nebojshës dhe gjithë familjes Kariç, kanë qenë kompani mbizotëruese këto vite në Bjellorusi dhe në Beograd. Këto kompani janë sanksionuar ashpër nga e gjithë bota e lirë. Atëherë, poseduesit e ballit ujor të Beogradit shitën kompaninë e tyre që i kishin të regjistruara në Qipro.
Ky transaksion ishte vetëm formal. I mori të gjithë Amaari i Edi Ramës. Kështu që faktikisht ndërtuesit e vërtetë janë vëllezërit Kariç. Natyrisht këtu del edhe një nga lidhjet më të fuqishme të Edi Ramës, i cili ka për flamur, flamurin e Beogradit, që ka për atdhe të vërtetë, Serbinë, që ka për zot, paratë që vjedh së bashku me Vuçiç, sepse afera e djegësve me 420 milionë euro nuk është as një e dhjeta e afërës shumë miliardëshe të Portit të Durësit,” tha Kryetari i PD, ndaj Edi Rama flet dhe ia mbath, vjen në Parlament si i kalamendur nga droga, flet përçart, kërcënon me SKAP-in e partisë dhe gjykatat e partisë.
“Por e vërteta është se për çdo aferë, ai do përballet me drejtësinë, veçanërisht me kalimin e ligjit për heqjen e parashkrimit për qeveritarët. Sidoqoftë, fjalën më të fuqishme e kanë qytetarët më 12 nëntor, që do jetë revolta popullore e shqiptarëve kundër këtij regjimi që nuk ndalet së vjedhuri ata.
Skenari është protesta më e madhe që ka parë vendi ndonjëherë. Qytetarët do shprehin mllefet dhe urrejtjet e tyre ndaj një regjimi që ua ka bërë vendin të pajetueshëm. U ka tjetërsuar flamur, atdhe, çdo gjë.”
