Bordi i Transparencës ul çmimin e benzinës plot 1 lek!

Sot Bordi i Transparencës tronditi ekonominë shqiptare me uljen që i bëri çmimit të karburanteve.

Pas debateve të shumta dhe shkundjes së mirë që i bënë bursave ndërkombëtare, Bordi i Transparencës vendosi ta ul çmimin e benzinës për plot 1 lek, dhe prej sot do të tregtohet me 177 lekë për litër ndërsa nafta do të ulet me 3 lekë dhe do të tregtohet me 199 lekë për litër.

Ndërkohë gazi do të tregtohet me 71 lekë për litër.

Ndryshe, çmimet e caktuara nga Bordi hynë në fuqi sot në datë 20 Dhjetor, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftim:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 199 lekë/litri, ndërsa i shitjes me shumicë jo më shumë se 187 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 177 lekë/litri, ndërsa i shitjes me shumicë jo më shumë se 165 lekë/litër.

Çmimi i shitjes me pakicë i nënproduktit gaz, të jetë 71 lekë/litri me pakicë dhe i shitjes me shumicë 59 lekë/litër për automjetet.

Çmimi i gazoilit për peshkim është vendosur 106 lekë/litër.

Çmimet e caktuara nga Bordi do të hynë në fuqi në datë 20 Dhjetor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.