Pasi nuk i shkrepi pakoja elektorale, Kryeministri Rama kaloi ditën duke bërë propagandë

Të gjithë e kuptuan dje se Qeveria e Edi Ramës ka bërë gati 80 milionë dollarë për disa kategori të caktuara, por askush nuk i beson më këtij njeriu për derisa lekët nuk i shohin në llogaritë e tyre bankare. Aq më shumë, kur kjo Pako është më shumë elektorale se sa një ndihmë, siç e propagandon Kryeministrit për një dimër më të lehtë.

Meqë lajmi nuk zgjoi ndonjë kuriozitet, sot Kryeministri Edi Rama e kaloi ditën në Facebook duke postuar fondet dhe dedikimin e asaj që ai e quajti Pakoja e Madhe për të zbutur impaktin e inflacionit të luftës deri në fund të këtij dimri të vështirë.

Kështu, propagandën e tij për këtë Pako elektorale e filloi në orën 7:58:

“Mirëngjes! Dhe me kënaqësinë e faktit se 695 mijë pensionistë do të marrin nga 8000Lekë (të reja) secili nga Pakoja e Madhe, ku do të kenë pjesën e tyre 1 milionë shqiptarë, që do të përfitojnë sipas kategorive deri në 20000Lekë (të reja), për të zbutur impaktin e inflacionit të luftës deri në fund të këtij dimri të vështirë për mbarë Europën, ju uroj një ditë të mbarë,” shprehet Edi Rama në postimin e parë tëtij mëngjesi për të vazhduar:

“8000Lekë (të reja) për çdo person me aftësi të kufizuar, do të lehtësojnë maksimalisht impaktin e inflacionit të luftës mbi konsumin bazë të kësaj shtrese në muajt e mbetur të dimrit, ku falë edhe subvencionimit masiv të çmimit të energjisë që do të vazhdojë përgjatë vitit 2023, mburoja financiare e qeverisë për familjet shqiptare e bën shumë më të përballueshëm këtë dimër të vështirë ekonomik për mbarë Europën”

Për 4 orë, kjo është Pakoja e tretë që Edi Rama propagandon sot dhe shqiptarët mund ti bëjë të lumtur vetë pse Kryeministri i tyre të paktën bënë diçka sepse lekët nuk i kanë parë ashtu sikur se nga viti 2013:

“8000Lekë (të reja) për çdo familje me ndihmë ekonomike, që impakti i inflacionit të luftës në muajt e mbetur të dimrit të zbutet maksimalisht mbi konsumin bazë të tyre dhe ky dimër i vështirë ekonomik për mbarë Europën, të kalojë sa më lehtë për këto familje,” thekson Edi Rama për të vazhduar vetëm një orë më pas:

“Edhe 20 000Lekë (të reja) nga Pakoja e Madhe për gratë kryefamiljare me ndihmë ekonomike – pas dyfishimit të ndihmës këtë vit, bonusit të Vitit të Ri si edhe pagesës së sigurimeve shoqërore e shëndetësore nga shteti duke nisur prej 1 janarit – për të lehtësuar plotësisht impaktin e inflacionit të luftës mbi konsumin e tyre bazë, në këtë dimër të vështirë ekonomik për mbarë Europën.”

Meqë klikimet po i binin, ustai i propagandës prek aty ku dhëmbë më shumë, shërbëtorët e tij socialist që tashmë i ka me radhë të spastruara nga çdo “yndyrë e djathtë”, Policinë e Shtetit:

“10 000Lekë (të reja) nga Pakoja e Madhe, pas rritjes së pagave para disa muajsh me 15% për inspektorët e nënkomisarët dhe 7% për komisarët e Policisë së Shtetit, do ta zerojnë impaktin e inflacionit të luftës mbi konsumin familjar të punonjësve të policisë në këtë dimër të vështirë për të gjithë, duke dëshmuar po ashtu vëmendjen e pandarë të qeverisë jo vetëm ndaj shtresave më në nevojë, po edhe ndaj shërbëtorëve të shtetit e të popullit shqiptar.”

Dhe, vetëm një orë më vonë flet për zjarrfikësit:

“Rritja e pagave me 15% këtë vit për zjarrfikësit, bashkë me 20 000Lekët (e reja) nga Pakoja e Madhe e këtij dimri të vështirë për mbarë Europën, do ta bëjnë praktikisht zero impaktin e inflacionit të luftës mbi konsumin e familjeve të tyre, ndërkohë që paga për ta do të vijojë të rritet më tej, si mbështetje e domosdoshme për një shërbim gjithnjë e më të kërkuar, në kushtet kur zjarret po bëhen një problem i madh për gjithë botën.”

Në momentin që interesimi mbi postimet e Kryeministrit ishte për tëokë, Edi Rama dha lajmin edhe për më të përbuzurit që paguhen nga buxheti i shtetit ndonëse janë ushtarë të NATO-s:

“20 000Lekë (të reja) nga Pakoja e Madhe do u shpërndahen ushtarëve bazë e nënoficerëve që pavarësisht rritjes së konsiderueshme të pagave këtë vit për gjithë ushtarakët tanë, janë ata që paguhen më pak se sa të tjerët në Forcat e Armatosura dhe kështu do të ndihmojnë familjet e tyre me zerimin e impaktit të inflacionit të luftës në këtë periudhë të vështirë për të gjithë”

“20 000Lekët (e reja) të Pakos së Madhe janë edhe një formë shpërblimi për efektivët e këmbësorisë, pavarësisht pagës së tyre të rritur ndjeshëm, sepse këta djem e vajza e nderuan këtë vit Ushtrinë Shqiptare, duke merituar certifikimin e lartë të NATO-s si një trupë ekselence e Aleancës,” e përmbyll kështu postimin e tijë të tetë për 8 orë të punës së 30 dhjetorit 2022 si Kryeministër për ti bindur qytetarët e Shqipërisë se sa i shqetësuar është për dimrin e vështirë që do të kalojnë.