“Alibeaj apo Salianji”, Balla përgjigjet: Mos u shqetësoni për votat, do miratojmë…
Ndërsa vazhdon debati rreth kreut të ri të Grupit Parlamentar të PD, nëse do të vazhdoj të jetë Enkelejd Alibeaj apo do të zëvendësohet nga Nënkryetari Ervin Salianji i cili ka arritur të marrë firmat e shumicës së deputetëve, dhe pritet seanca e sotme plenare për të parë se si ka vendosur Kryeministri Edi Rama, Kryetari i Grupit Parlamentar të Partisë Socialiste, Taulant Balla, pas mbledhjes së Grupit sqaroi qëndrimet e PS ku përfshihet edhe përgjigja për enigmën e grupit të deputetëve të Lulzim Bashës.
“Kemi bërë një analizë të punës së Kuvendit gjatë dy sesioneve të zhvilluara në 2022. Analizë në aspektin sasior të ligjeve, vendimeve, seancave, por dhe cilësor, me performacën e secilit prej deputetëve. Nga ana ime i është kërkuar deputetëve prezencë më e shtuar në territor, edhe kryeministri ka pasur një sërë kërkesash të cilat i bëjnë mirë punës së anëtarëve të grupit parlamentar të PS. Duhet të jetë dhe një vit i rëndësishëm komunikimi me njerëzit. Forcimi i kësaj aleance për zgjedhjet e 14 majit e më pas, është jetik për ne,” tha Taulant Balla duke e bërë të qartë se Aleanca me Lulzim Bashën funksionon, siç funskionoi për miratimin e Akteve Normative dhe vazhdimin e Vettingut, dhe nuk do të jetë problem miratimi i çdo ligji, pavarësisht nëse kërkon 3/5 apo 2/3 e votave.
“Amnistia fiskale apo ligje të tjera të rëndësishme do i miratojmë në javët në vijim. Kuvendi i ka votat për miratimin e çdo ligji, ligje që kërkojnë 3/5, apo 2/3. Kështu që nuk mendoj se është korrekte të shprehem sot sepse deputetët e opozitës nuk e kanë lexuar ligjin për amnistinë fiskale. Ky ligj i bën mirë ekonomisë së vendin dhe mendoj se me rëndësi është nevoja që ka sot ekonomia e vendit për të miratuar ligje të tilla. Kështu që mos u gaboni në konstatimin tuaj se nuk i ka votat.”
Ndryshe, në seancën e sotme plenare e cila pritet të filloj në orën 16:00, pritet të konfirmohet nga Kryetarja e Parlamentit, Lindita Nikolla, se kush do të jetë Kryetari i Grupit Parlamentar të PD.
Seanca plenare do të ketë këtë Rend të Ditës:
