Stamboll, kapen 122 kilogramë drogë në kamionin nga Shqipëria
Në Stamboll kapet një kamion me drogë që vinte nga Shqipëria. Mediat turke raportojnë se pas konstatimit në kufi se kishte drogë, kamioni u mbajt nën vëzhgim për të evituar kalimin e ngarkesës në një mjet tjetër.
Pas udhëzimit, raporton BW, ekipet e Policisë së Tekirdagut nisën kërkimin për kamionin TIR duke kryer një operacion.
Gjatë kontrollit u sekuestruan 122 kilogramë drogë të fshehura në dyshemenë e tij. Nga ana e policisë turke është ndaluar drejtuesi i kamionit, shqiptari Fatmir Ferko.
