Interpelancë për “Skandalin McGonigal”, Edi Rama me dy fije mend çon Spiropalin!
Histeri vetëgjyqësie politike e mediatike e quan Kryeministri Edi Rama reagimin e opozitës ndaj gjyqit të një zyrtari të FBI, duke shpërfillur faktin se ky ishte paguar, sipas aktakuzës, nga po ky Kryeministër për të shkatërruar opozitën.
Dhe, deri sa nuk pranon të sqaroj deputetët e Parlamentit të Shqipërisë dhe jo vetëm, se cila ishte e vërteta me Charles McGonigal dhe spiunin e Sigurimit të Shtetit, Agron Nezaj, por çon Elisa Spiropalin të rrëfehet mbi këto krime, Kryeministri Edi Rama që pretendon se ka dy fije mend dhe përgjigjet nga rrjeti social Twitter për situatën e krijuar, akuzon si gjthmonë viktimën e tij, në këtë rast, opozitën:
“Një abuzim total me lirinë e fjalës,me të vërtetën,me publikun,në një dëshpërim total moral, politik, elektoral, ku me shpifje ekstreme synohet manipulimi i opinionit me një çështje të hetuar nga drejtësia amerikane që ka shkuar në gjykatë e që s’ka asnjë lloj lidhje me ne këtu,” shprehet Ed iRama që nuk njohu dhe nuk e njeh lirinë e fjalës, por, jo dhe talljen me politikën:
“Kjo është një tallje e madhe dhe e shpifur e politikës pa din e as iman me ata që i shkojnë mbrapa kësaj politike figurash të diskredituara, të cilët duan të mbulojnë diellin me shoshë, ndërkohë që marrëdhëniet tona me SHBA dhe institucionet amerikane janë më të forta se kurrë.”
Në fund, duke mos gjykuar veprimet e tij kriminale, një kërkesë normale parlamentar për interpelancë, Kryeministri i Shqipërisë në reagimin e tij përmes rrjetit social Twitter e cilëson histeri vetëgjyqësie politike e mediatike.
“Kush i ka dy fije mend e kupton se ç’është e tërë kjo histeri vetëgjyqësie politike e mediatike, mbi një gjyq në Amerikë për një zyrtar të FBI të cilin drejtësia e nongratave këtu pretendon se është korruptuar nga unë, ndërkohë që drejtësia amerikane s’ka asnjë akuzë a pretendim.”
Ndryshe, delegimi i Elisa Spiropalit për interpelancë lidhur me “Skandalin McGonigal” nga Kryeministri që i ka dy fije mend, për kërkuesin, deputetin Gazment Bardhi, u konsiderua e papranueshme pasi ajo as nuk ka qenë në këto takime, aty ky ishte Kryeministri, Duçka dhe Neza.
