Edi Rama shkatërroi industrinë e birrës për Devollin, Berisha: Opozita do të përgjigjet!

Pas sulmeve brutale dhe akuzave pa fund që me ditë të tëra Televizioni ABC News hedhë kundër opozitës dhe veprimeve të saj si në Parlament ashtu dhe protesta, sot Kryetari i Partisë Demokratike, Sali Berisha, ka akuzuar Kryeministrin Edi Rama se ka shkatërruar industrinë e birrës në Shqipëri vetëm për pronarin e ri të këtij televizioni, Blerim Devolli, i cili jo vetëm që po i shërben por ka kaluar në ekstrem, në çmenduri!

“Ka një pushtim të medieve. A e dini që për ABC-në, u shkatërrua e gjithë industria e birrës në Shqipëri?
Për të futur ABC-në në dorë, pronari i birrës Peja, Devolli, imponoi ndryshimin e akcizës së birrës, de facto asgjësimin e birrës në Shqipëri.

Unë i them atij, mënyrën se si po e përdor atë televizion, po bën shërbimin më të keq Kosovës, Shqipërisë, por edhe biznesit.

Opozita shqiptare do mbajë qëndrimet e saj.

U ndryshuan akcizat e birrës për të favorizuar Devollin,” tha Sali Berisha dhe përveç pronarit tëri Abc News ka tashmë drejtorin e re, atë i cili u pushua nga puna në Top Channel pikërisht për shkak të politikës së tij ekstreme anti-opozitë.

“U bë pazari me ABC-në, dhe po të vini re, e ka shndërruar atë në një Kol Balla biss. Se ai i mban të dyja.

Këtu është drejtor, aty është debator.

A ka më neveri se kjo? Kjo është vetëm njëra anë, ka edhe të tjera.

Unë denoncova këtë sot. Ne jemi miq të medias, por nëse vazhdon në këtë mënyrë ndaj opozitës, opozita do të të përgjigjet. Se ke ardhur me një mision për të shndërruar televizionin në një altoparlant Rama-Veliaj. Ky ka kaluar në ekstrem, në çmenduri,” tha Kryetari i Partisë Demokratike, Sali Berisha, duke përfunduar:

Vjen dhe heq një seri gazetarësh. Të gjithë. Ka mbetur Kol Balla me Kol Ballën.