Video/ Presidenti Biden në Kiev, prezenca e tij shoqërohet me alarm për rrezik nga ajri

Presidenti i SHBA, Joe Biden, pa paralajmërim sot ka vizituar kryeqytetin e Ukrainës, Kiev.

Në video shihet se si në momentin kur Biden dhe Zelenskyy shetiten në rrugët kryesor të Kievit, dëgjohet alarmi i rrezikut nga ajri i cili është shpallur në gjithë Ukrainën.

Duke ju drejtuar gazetarëve nga rezidenca e Presidentit Volodimir Zelenskyy, Presidenti i SHBA, Joe Biden, paralajmëroi ndihmën prej 500 milionë dollarëve, që do përmbajë pajisje ushtarake, armatim të artilerisë, topa dhe raketa antitank Javelin.

Biden foli dhe për rezistencën e ushtrisë ukrainase në momentet kur lufta po futet në vitin e dytë:

“Një vit më vonë, Kievi vazhdon të jetë këtu. Ukraina është ende këtu. Demokracia është ende këtu!”

Ndryshe, Shtëpia e Bardhë dje ka paralajmëruar se Presidenti Biden sot do të vizitoj Poloninë në prag të përvjetorit të pushtimit rus të Ukrainës.