Gjykata Kushtetuese e Edi Ramës mbledh mendjen, zgjedh kryetaren e re

Pas dështimit të dy raundeve, Gjykata Kushtetuese tashmë puro socialiste nën kujdesin e Kryeministrit Edi Rama, me 5 vota ka zgjedhur sot Holta Zaçajn kryetare të Gjykatës Kushtetuese.

“Mbledhja e Gjyqtarëve të Gjykatës Kushtetuese zhvilloi sot më 20 shkurt 2023 raundin e tretë të votimit për zgjedhjen e Kryetarit të ri të Gjykatës Kushtetuese. Në përfundim të procesit të votimit, në bazë të parashikimeve ligjore, pasi mori shumicën e kërkuar ligjore, Mbledhja e Gjyqtarëve zgjodhi zonjën Holta Zaçaj në detyrën e Kryetarit të Gjykatës Kushtetuese. Ky vendim i njoftohet Presidentit të Republikës dhe Kryetarit të Kuvendit,” thekson Gjykata Kushtetuese përmes një njoftimi.

Ndryshe, Holta Zaçaj kandidoi për postin e kryetares së Gjykatës Kushtetuese përballë Marjana Seminit dhe Fiona Papajorgji.

Gjykata Kushtetuese është insitutcioni i parë gjyqësor i cili u godit nga Reforma në Drejtësi duke eliminuar nga gjyqësori të gjithë ata që nga Partia Socialiste u përfolën si njerëz të Saliut ose Metës, edhe me çmimin duke i humbur funskionalitetin dhe duke e lënë vendin pa Gjykatë Kushtetuese.

Për dallim nga vitet tjera të pluralizmit, ku anëtarët e Gjykatës Kushtetuese ishin produkt i politikës dhe kishte një kompromis, përbërja e kësaj gjykate sërish është produkt i politikës dhe kishte kompromis, por ky kompromis nuk u vendos mes partive politike por në mes të Kryeministrit dhe Sigurimit të Shtetit i cili ka vendosur për këtë përbërje: Holta Zaçaj, kryetare; Marsida Xhaferllari, anëtare; Dr. Fiona Papajorgji, anëtare; Dr. Elsa Toska, anëtare; Sonila Bejtja, anëtare; Dr. Sandër Beci, anëtar; Ilir Toska, anëtar; Gent Ibrahimi, anëtar; Prof. Dr. Marjana Semini, anëtare.