Zgjedhjet e 14 Majit, Erion Veliajt i dalin përballë dy komunistë

Në garën për Kryetarin e Bashkisë Tiranë më 14 Maj, sot u shfaqën dy komunistë që pasi regjistruan subjektet e tyre politike iu hakërruen kryetarit aktual, Erion Veliaj!

Fjala është për Lëvizjen “Bashkë” dhe Nismën “Thurje” që drejtohen nga Arlind Qori përkatësisht Endri Shabani.

“Me apo pa njohjen e gjykatës, me 3000 apo 7000 nënshkrime qytetarësh, me apo pa mbulim mediatik, me të gjithë të pushtetshmit, oligarkët e zullumqarët kundër, por me zemrën dhe sakrificat e përditshme të qindra shoqeve e shokëve të mi në Lëvizjen BASHKË dhe, me shpresë, me mbështetjen e shumë e më shumë qytetarëve në këtë rrugë, emrin tim do të keni mundësi ta lexoni në fletën e votimit për kandidat të Bashkisë së Tiranës. BASHKË PËR TIRANËN!”, tha Arlind Qori përmes rrjetit social Facebook duke shpallur kandidaturën përballë Erion Veliajt ndërsa pak çast më pas u shfaq dhe kreu i Nismës “Thurje”, Endri Shabani, duke njoftuar regjistrimin për zgjedhjet lokale të 14 majit ku synim kryesor do të kenë vendet në këshillat bashkiakë.

“Oferta jonë politike synon që të ulim koston e jetesës, thelbi ynë është që të heqim disa taksa të panevojshme dhe të ulim koston e banesave të zgjidhim dhe problemi e ujit. Nuk kemi premtime fantastiko-shkencore me satelitë. Ndryshe nga të gjithë të tjerët, nisma “Thurje” ka këtë zgjedhje me dy raunde, tek i pari do të mbledhim firma kudo që të garojmë. Për hir të së vërtetës nuk ka qenë kurrë më i qartë kontrasti midis regresit dhe progresit,” tha Endri Shabani.

Ndryshe, deri më tani nga spektri politik i djathtë është vetëm Belind Këlliçi nga PD i cili ka vendosur ti del përballë kandidatit të PS, Erion Veliaj, ndërkohë nuk dihet edhe sa komunistë do prodhojë impianti propagandistik i Edi Ramës, i cili ndryshe nga viti 2019 më 14 Maj 2023 e pret një garë me të gjithë kandidatët që në zgjedhjet lokale janë për herë të parë!