Rama-deputetëve: Mos neglizhoni takimet me qytetarët, ministrat të tregohen seriozë

Çdo deputet i Partisë Socialiste duhet të jetë i pranishëm në takimet e llogaridhënies publike të qeverisë me qytetarët. Urdhëri është dhënë nga Kryeministri Edi Rama në mbledhjen e përjavshme të grupit parlamentar të PS-së.

Mëoshet se Rama ka kërkuar nga anëtarët e qeverisë që të përqëndrojnë vëmendjen në turin e llogaridhënies dhe t´u përgjigjen shqetësimeve të qytetarëve për shqetësimet e tyre.

“Drejtuesit politikë të qarqeve dhe ministrat duhet të jenë të pranishëm në çdo takim. Kërkoj seriozitet në të gjitha përballjet me qytetarët”, mësohet të jetë shprehur Rama.

Kryeministri u ka thënë deputetëve se fokusi më i madh është Tirana, por nuk duhet që të neglizhohen dhe qarqet e tjera.

Mësohet se Rama do të jetë sot i pranishëm në qarkun e Lezhës, aktivitete që do të zgjasin dy ditë.