Kurti-Davenport, koordinim me OSBE-në për zgjedhjet në komunat e veriut
Pak ditë para mbajtjes së zgjedhjeve në Mitrovicë të Veriut, Zveçan, Leposaviç dhe Zubin Potok, Kryeministri Albin Kurti takoi Ambasadorin e OSBE-së në Kosovë, Michael Davenport, për t’u koordinuar për zgjedhjet në veri.
“Në takim u diskutua për zgjedhjet në katër komunat në veri të Kosovës dhe për fushat e përbashkëta të bashkëpunimit në mes të OSBE-së dhe Qeverisë së Kosovës,” thuhet në njoftimin e Qeverisë së Kosovës ku Kryeministri ka theksuar rëndësinë e mbajtjes së zgjedhjeve lokale edhe si obligim kushtetues e ligjor, por edhe si procedurë e legjitimitet demokratik për institucionet në shërbim të qytetarëve.
“Nevoja për funksionim normal të sistemit dhe institucioneve shtetërore e bënë të nevojshme mbajtjen e zgjedhjeve,” tha kryeministri Albin Kurti në takim me Ambasadorin e OSBE-së në Kosovë, Michael Davenport.
