Nepotizmi në Bashkinë e Tiranës, PD: 1 mln euro për njerëzit nga e njëjta familje, ja lista

Nepotizmin në bashkinë e drejtuar nga Erion Veliaj sot e ka denoncuar Partia Demokratike përmes zëdhënëses së fushatës së PD për Bashkinë Tiranë, Silvi Bardhi, duke publikuar dhe listën e njerëzve nga e njëjta familje të cilët i kushtojnë taksave tona 1 milionë euro në vit.

Kështu, mbi 10 milionë euro borxh ka lënë Erion Veliaj në dy mandate që ka drejtuar Bashkinë Tiranë ndërkohë Drejtori i Inspektoratit punëson vëllain, kunatin dhe kunatën, Drejtorja e Tirana Parking punëson motrën, bashkëshortin dhe ikunatin, Drejtori i Policisë Bashkiake punëson gruan dhe nipin.

“Gjatë një vëzhgimi të pjesshëm të nëpunësve, tek 270 emra, rezultojnë 127 emërime nepotike. Drejtuesit më të rëndësishëm të Bashkisë kanë futur familjarët dhe të afërmit në pozicione të rehatshme, me rroga të mira,” shprehet Silvi Bardhi duke shtuar se taksapaguesit më të varfër të Europës nuk kanë pse të sakrifikojnë kaq shumë, që Erion Veliaj të duket bukur në publik ndërsa publikon listën duke përfunduar:

“Duhet ndryshim. Qytetarët e Tiranës e kanë në duart e tyre ta kthejnë Bashkinë në normalitet e në shërbim të qytetit, jo të kryetarit.”

Deklaratë:

Mbi 10 milionë euro borxh ka lënë Erion Veliaj në dy mandate që ka drejtuar Bashkinë e Tiranës.

Këto janë detyrime që do t’i shlyejnë qytetarët e Tiranës.

Teksa ka rritur taksat dhe tarifat dhe ka lëshuar policinë bashkiake në fushata ndëshkimi duke vjelur miliona euro, sërish, të gjitha këto nuk i mjaftojnë Erion Veliajt.

Kjo është qeverisja e tij.

Janë qindra punonjës të Bashkisë që paguhen me taksat tona, thjesht për t’i shërbyer Erion Veliajt, profilit të tij personal, interesave politike që ai ka.

Qindra punonjës që mbahen me taksat tona, kujdesen që Erjon Veliaj të dalë mirë në publik, të pëlqehet, t’i bëhet shpërndarje në rrjetet sociale.

Vetë Erion Veliaj, në gjysmën e parë të vitit të kaluar, ka kaluar 4 muaj e gjysëm jashtë shtetit, duke marrë të paktën 11 mijë euro dieta.

Ndërkohë që me këto udhëtime nuk i ka sjellë qytetit asnjë përfitim, asnjë investim të huaj, asnjë shërbim që të jetë i vlefshëm për jetën tonë.

Gjatë një vëzhgimi të pjesshëm të nëpunësve, tek 270 emra, rezultojnë 127 emërime nepotike. Drejtuesit më të rëndësishëm të Bashkisë kanë futur familjarët dhe të afërmit në pozicione të rehatshme, me rroga të mira.

Kjo është e padrejtë.

Taksapaguesit më të varfër të Europës nuk kanë pse të sakrifikojnë kaq shumë, që Erion Veliaj të duket bukur në publik.

Duhet ndryshim.

Qytetarët e Tiranës e kanë në duart e tyre ta kthejnë Bashkinë në normalitet e në shërbim të qytetit, jo të kryetarit.