Avioni ushtarak “Hürjet”, Erdogan: Dhuratë për Shekullin e Turqisë!
Avioni i parë ushtarak turk “Hürjet” përfundoi me sukses sot fluturimin e tij të parë testues.
Fjala është për një avion të avancuar stërvitor dhe luftarak të lehtë me një motor supersonik dhe me dy ulëse, raport TRT Balkan.
“Aeroplani ynë i parë reaktiv supersonik kombëtar me ekuipazh njerëzor, Hürjet, ka përfunduar me sukses fluturimin e tij të parë. Një dhuratë për Shekullin e Turqisë,” u shpreh presidenti turk Recep Tayyip Erdogan në reagimin e tij përmes rrjetit social Twitter shoqëruar dhe me një video nga momenti kur avioni Hürjet doli nga hangari dhe bëri fluturimin e tij të parë.
Yerli ve millî ilk insanlı süpersonik jet uçağımız HÜRJET ilk uçuşunu başarıyla gerçekleştirdi. Hamdolsun. Türkiye Yüzyılı'na armağan olsun! ?? pic.twitter.com/KkauZykunV
— Recep Tayyip Erdoğan (@RTErdogan) April 25, 2023
Avioni i lehtë luftarak i zhvilluar nga Industria e Hapësirës Ajrore Turke, TUSAŞ, ka një gjatësi prej 13,6 metrash, një hapje krahësh 9,5 metrash, një lartësi 5,1 metrash dhe një sipërfaqe krahësh 35 metrash katrorë.
