Debat me Edi Ramën, nga Besnik Mustafaj te Bledi Çuçi
Nga debati politik i parë dhe i vetmi, Edi Rama nuk mbahet mend me projektin që kishte për Bashkinë Tiranë, por me akuzën ndaj rivalit se ka marrë “gratë e shokëve”. Çfarë ndryshon sot një debat me Edi Ramën kur ai ka emëruar ministër njeriun që i “mori gruan”?!
Të vetmin debat politik të Edi Ramës që mbajnë mend shqiptarët ishte ai i pari në garë për kreun e Bashkisë Tiranë me Besnik Mustafajn! Jo për projektin që kishte, sepse projekt nuk kishte kurrë, por akuzën që i bëri rivalit politik për “gratë e shokëve që kishte marrë”!
Sot pavarësisht se rrethanat ndryshojnë ashtu si dhe rivali, fushata e Edi Ramës për forcën politike që ai drejton si dhe gara për Tiranën i janë kthyer si boomerang njeriut që hyri në politikë nga një vaki, bleu shqiptarët duke shitur urrejtje krahinore si dhe intriga seksuale pa pasur kurrë një projekt në dorë!
Sot, kur Robert Çamçakëzi nuk i duhet më për ta futur në politikë, kur kandidati për kryetarin e Bashkisë Tiranë nuk është katnar i Partisë Demokratike por i Partisë Socialiste, kur “gratë e shokëve” nuk i merr kandidati i Partisë Demokratike ndërsa vetë Edi Rama e ka emëruar ministër “njeriun që i mori gruan”, çfarë do të kërkoj Edi Rama në debat! Madje dhe kandidati i tij për kryetar të kryeqytetit shqiptar!
…debat me Edi Ramën…
Sot ftesa që i bënë për debat lideri i opozitës, Sali Berisha, kryeministrit dhe kryetarit të PS, konsiderohet provokim i pakuptimtë si nga vetë Edi Rama ashtu dhe socialistët dhe llumi demokrat që ka futur në lojë përmes Gjykatës Apelit, vulës, KQZ-së, KAS-it, Kryetarit Nënkryetar dhe Kolegjit Zgjedhor!
Provokim edhe mund të quhej sikur Shqipëria të kishte një Kryeministër normal, por, ndonëse kanë kaluar 12 vjet që nuk është Kryetar i Bashkisë Tiranë dhe 10 vjet që është Kryeministër, ai kurrë nuk u bë më shumë se kryetar bashkie, ose më saktë kryetar arbitrar i të gjitha bashkive ashtu siç e menaxhoi bashkinë më të madhe në Shqipëri, duke ndërtuar vetëm ato lagje ku nuk ka malokë.
Një përzgjedhje raciste par exellence, ashtu siç ishte dhe mesazhi i tij në debatin e parë dhe të vetëm për kryetarin e Bashkisë Tiranë!
Karta e vetme që kishte dhe e përdori ishte ajo e një tironsi përballë një katunari ose më saktë tropojani, dhe asgjë më shumë! Kjo propagandë ishte aq e fuqishme sa dhe në kulisat e PD përflitej si argument që favorizon Ramën, që nga perspektiva e sotme, të bindurit e kësaj propagande na dalin këta euroatlantikët e sotëm që për kryetar kanë një spiun të Sigurimit të Shtetit!
Kështu Besnik Mustafaj humbi garën ndonëse kishte një fushatë qytetare model, me projekte të qartë e madje shumë më të avancuar se sa ajo kroate që kishte kopjuar, “Një kafe me Besnikun”!
Sepse, përballë kishte po këtë Edi Ramë që shohim sot, me KQZ-në e tij, me një parti “moderne” të dalur nga PD që nuk donë Saliun, dhe me Sigurimin e Shtetit në krye që nënkupton të gjitha facilitetet e krimit dhe parasë!
Për pasojë dhe fushata zgjedhore e Partisë Socialiste që ai sot drejton është pasqyrë e fitores së Edi Ramës, pa projekt, me gallatë dhe në thyerje absolute të Kodit Zgjedhor duke pasur mbështetjen e KQZ-së!
Për dallim nga rastet kur nuk kishte mbështetjen e KQZ-së, dhe ishte humbës i padiskutueshëm i zgjedhjeve. Pse?!
ndryshimi…
Pse Edi Rama nuk mori kurrë guximin të përballet në një debat politik për dallim nga paraardhësi i tij ka shumë arsye, por, pse sot Kryeministri dhe Kryetari i Partisë Socialiste e ka të pamundur shfaqjen në një debat të tillë sikur këtë debat ta drejtojnë dhe lolot e e tij, Fevziu ose Balla, është shumë më e lehtë për t’u sqaruar se sa imagjinohet, dhe ka vetëm një arsye: Nuk i japin leje!
Ndryshe, sikur Edi Rama të shfaqet në debat me Sali Berishën, jo se pret njeri të sqarohet “blerja” e shpalljes së Ish-Presidentit Sali Berisha si person non grata nga SHBA dhe roli i McGonigal, por shpallja e emrave të bedelëve të llullit pa dhënë çmimin e blerjes do të ishte minimumi në përgjigjen e një kryeministri që po drejton vendin që 10 vjet dhe kërkon fitoren masive në zgjedhjet e 14 Majit!
Sikur Edi Rama të shfaqet në debat me Sali Berishën, nuk pret njeri që ai të thotë çmimin që ka paguar për shfaqjen e Saimir Tahirit përballë Presidentit të SHBA, Barack Obama, në Shtëpinë e Bardhë, por të paktën arsyen pse sot Saimir Tahiri po bënë fushatë kundër Lali Erit, shqiptarët edhe duhet ta dinë!
Sikur Edi Rama të shfaqet në debat me Sali Berishën, askush nuk pret të zbulohet se ku u tretën 8 miliardë euro siç thotë KLSH, por të paktën shqiptarët duhet ta dinë se ku janë ato 200 milionë që Kryeministri Edi Rama i ka, dhe, nuk e thotë Saliu por OSBE!
Sikur Edi Rama të shfaqet në debat me Sali Berishën jo se pret njeri sqarimin se si është e mundur që humbi zgjedhjet në Tiranë në vitin 2011 dhe i fitoi në gjithë Shqipërinë vetëm dy vite më pas, kur urrejtja ndaj tij ishte shtuar, por, si s’ka turp kur zgjedhjet i vodhi edhe përballë Spartak Ngjelës në garën për Bashkinë Tiranë; Këtë ia ka për borxh të gjithë atyre që besonin se avokat Spartak Ngjela është më rrotë se piktori Edi Rama!
Sikur Edi Rama të shfaqet në debat me Sali Berishën, nuk pret njeri që ai të thotë se pse e përdor sërish Preç Zogajn për të minuar Partinë Demokratike edhe pse dihet se ishte spiun i Sigurimit të Shtetit, por të paktën duhet të përmbyllet e vërteta me historinë e dosjes së Sigurimit të Ish-Presidentit Ilir Meta ose “të digjet” spiuni që punoi në Autoritetin e Dosjeve për të mirën e partisë!
Sikur Edi Rama të shfaqet në debat me Sali Berishën, jo se pret njeri të zbuloi pse nuk u ndërtua asnjë centimetër rrugë nga Miloti në Shkodër, por, të paktën Kryeministri do ta bënte një sqarim nëse do të zhbllokoj fondet për Shkodrën nëse përfundimisht pëson humbje Benet Beci edhe në këtë përballje diskriminuese për Bardh Spahinë!
Sikur Edi Rama të shfaqet në debat me Sali Berishën, nuk pret njeri sqarime pse dashuron kaq shumë serbët dhe nuk i don kosovarët, as pse e donë më shumë Vuçiçin se Albin Kurtin sepse atë e ka në gen çdo komunist, por, si mund ta donë njeriu Taulant Ballën, këtë sqarim ua ka për borxh socialistëve; Sepse ata kishin parë dhe dëgjuar për Taulantin që i rrinte Kryeministrit Fatos Nano pronto deri në casino dhe e arsyetonin dashurinë platonike, por, që ta zëvendëson këtë zar me shokun Gramoz kjo është fyerje për gjithë Internacionalen Socialiste duke përfshirë këtu dhe Boris Tadiçin që mundësoi Marrëveshjen Rama-Meta dhe rrëzimin e Berishës nga pushteti!
Sikur Edi Rama të shfaqet në debat me Sali Berishën, nuk pret njeri sqarime pse Kryeministri është kundër Berishës non grata dhe vazhdon bashkëpunimin me Gjushin non grata në Durrës dhe Tom Doshin non grata në Shkodër, por, një sqarim i vockël pse nuk e mbështet Lali Erin meqë për këtë flet e gjithë Partia Socialiste, këtë të paktën e meritojnë socialistët e kryeqytetit shqiptar!
Sikur Edi Rama të shfaqet në debat me Sali Berishën, nuk pret njeri sqarime se kush i pagoi biletën Agron Kapllanajt dhe Kryetarit Nënkryetar në finalen e Champion League, Gallatasaray-Juventus që u zhvillua në Stamboll vitin kur ai rrëzoi Saliun, vetëm pse Kryeministri njeh njerëz në Strugë, por, kush do t’ia paguaj biletën e finales së Champion League këtë 10 qershor, pasi Kapllanaj të pëson humbje nuk është dhe ndonjë hata e madhe prej sqarimi!
Dhe, në fund, sikur Edi Rama të shfaqet në debat me Sali Berishën, nuk pret njeri sqarime për foton e publikuar nudo se sa orë ia mbajti veglën Kryeministrit femra që e shoqëronte, ama pse e bëri ministër atë që e martoi pasi ajo i lëshoi nga dora veglën Kryeministrit, soclaistët liridashës që kurrë nuk kanë çarë kokën për gratë e tyre por që i duan të pastra ato të nomenklaturës është mirë edhe t’i dinë!
Nga sa u tha më lartë, i pari që e kundërshton debatin Belind Këlliçi-Erion Veliaj është Edi Rama, jo pse vetëm Këlliçi u fut me rrugë të të zakonshme në politikë që nga forumi rinor, nuk është katunar dhe nuk i ka marrë shokut gruan; Por, ndonëse është e qartë se debati mund ti shërbej shumë fituesit në garën për kryetarin e Bashkisë Tiranë, po aq është e qartë se fitorja e Belind Këlliçit nuk e cenon Edi Ramën në fronin e Kryetarit të Partisë Socialiste!
